Դավոսում մեկնարկել է Համաշխարհային տնտեսական ֆորումը. ՀՀ-ն չի մասնակցում

Դավոսում մեկնարկել է Համաշխարհային տնտեսական ֆորումը. ՀՀ-ն չի մասնակցում

PanARMENIAN.Net - Շվեյցարիայի Դավոս քաղաքում հունվարի 17-20–ը կկայանա 47-րդ Համաշխարհային տնտեսական ֆորումը, որը կրում է «Զգայուն և պատասխանատու ղեկավարություն» խորագիրը։

Կազմակերպիչները սպասում են, որ այն ռեկորդային քանակությամբ մասնակիցներ կհավաքի՝ իշխանությունների, բիզնեսի, միջազգային կազմակերպությունների և քաղաքացիական հասարակության մոտ 3 հազար ներկայացուցիչ, հաղորդում էRia.ru-ն:

Հայաստանը, ինչպես և նախորդ տարիներին, չի մասնակցի ֆորումին`պայմանավորված վերջինիս ծախսատարությամբ:

Ֆորումը, որի ժամանակ կկայանա մոտ 400 նստաշրջան, կկենտրոնա 4 ուղղության վրա՝ գլոբալ համագործակցության վերաիմաստավորում, գլոբալ տնտեսության ակտիվացում, կապիտալիզմի ձևափոխում և 4-րդ արդյունաբերական հեղափոխության նախապատրաստություն։

Ֆորումին մասնակցելու են ավելի քան հազար ընկերությունների ղեկավարներ և ավելի քան 70 երկրի պատվիրակ։

Կարգախոսի ընտրությունը պայմանավորված է նրանով, որ կազմակերպիչները ցանկացել են գլոբալ լիդերների ուշադրությունը հրավիրել «միջազգային համագործակցությանն աջակցող համակարգերի թարմացման անհրաժեշտության վրա` դրանք հարմարեցնելով ներկայում աշխարհում տիրող բարդ, բազմաբեւեռ իրավիճակին եւ ապահովելով տնտեսության իրական, համընդգրկուն եւ օբյեկտիվ աճ»:

 Ուշագրավ
Կավելացվեն ծախսերը նաև հատուկ նշանակության նախագծերի ֆինանսավորման համար
Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում
---