Սոմալիում իսլամիստները հարձակվել են հյուրանոցի վրա. 13 զոհ կա

Սոմալիում իսլամիստները հարձակվել են հյուրանոցի վրա. 13 զոհ կա

PanARMENIAN.Net - Սոմալիի մայրաքաղաք Մոգադիշոյում իսլամիստները հարձակվել են հյուրանոցի վրա: Հայտնի է 13 զոհի մասին: Զոհերի թվում կան ոստիկաններ և խաղաղ բնակիչներ: Տասնյակ մարդիկ վիրավորվել են: Ըստ բժիշկների, շատերը ծայրահեղ ծանր վիճակում են, գրում է Lenta.ru-ն Reuters-ի վրա հղումով:

Ըստ ոստիկանության, գրոհայիններն ականապատ մեքենան ուղղել են դեպի հյուրանոցի դարպասները: Պայթյունից հետո անցք է առաջացել, որի միջով իսլամիստները կրակ են բացել ներսում գտնվողների ուղղությամբ: Որոշ ժամանակ անց երկրորդ պայթյունն է որոտացել: Ինչպես ասել է ոստիկանության գնդապետ Աբդիկադիր Հուսեյնը, հյուրանոցի պահակախումբը կարողացել է հետ մղել գրոհը:

«Մենք ապահովեցինք մարդկանց անվտանգությունը և հետո արդեն սկսեցինք հետապնդել հարձակվողներին: Այժմ մեր ստորաբաժանումները շենքի ներսում են, ամբողջ տեղեկատվությունը դեռ հնարավոր չէ հրապարակել»,-ասել է նա:

Հարձակման համար պատասխանատվությունը ստանձնել է իսլամիստական «Աշ Շաբաբ» խմբավորումը, որը համարվում է շատ երկրներում արգելված ահաբեկչական «Ալ Քայիդայի» դաշնակիցը:

Սոմալիի ահաբեկիչները նպատակ ունեն շարիաթի օրենքներով ապրող հասարակություն ստեղծել և մտադիր են դրան հասնել ջիհադի միջոցով: Նրանք պարբերաբար ահաբեկչական գործողությունների են դիմում Մոգադիշոյում և երկրի այլ քաղաքներում:

 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---