Արարատի մարզպետ Ռուբիկ Աբրահամյանը հրաժարականի դիմում է ներկայացրել։ Այդ մասին լուրը հաստատել է Հայաստանի վարչապետի խորհրդական Շուշան Սարդարյանը՝ նշելով, որ եթե դիմումը ներկայացվել է՝ նշանակում է, որ կբավարարվի:
Հարցին, թե հրաժարականի պատճառը նշված է դիմումում, Սարդարյանը պատասխանել է. - «Սովորաբար պատճառները դիմումի մեջ չեն ներկայացվում»,- հաղորդում է «Ազատություն» ռադիոկայանը:
Ռուբիկ Աբրահամյանն Արարատի մարզպետի պաշտոնում էր նշանակվել 2014-ի մայիսի 8-ին` նախկին վարչապետ Հովիկ Աբրահամյանի որոշմամբ։Վարչապետ Հովիկ Աբրահամյանը շնորհավորել էր նորանշանակ մարզպետին՝ հատուկշեշտելով, որ Ռուբիկ Աբրահամյանն իր բարեկամը չէ:
Վերջինս զբաղեցրել է ՀՀ տարածքային կառավարման նախարարության Ջրային տնտեսության պետական կոմիտեի նախագահի տեղակալի պաշտոնը, ունի աշխատանքային երկար տարիների փորձ պետական կառավարման համակարգում, մասնավորապես բարձր պաշտոններ է զբաղեցրել ՀՀ էներգետիկայի, բնապահպանության և տարածքային կառավարման նախարարություններում: