Հայաստանի նախագահ Ռոբերտ Քոչարյանը մեկնել է Ստեփանակերտ Լեռնային Ղարաբաղի Հանրապետության նորընտիր նախագահ Բակո Սահակյանի երդման պաշտոնական արարողությանը մասնակցելու համար, որը կայանալու է Ղարաբաղի մայրաքաղաքի Սպայի տանը այսօր: Հայաստանի նախագահին ուղեկցում են Հայաստանի արգործնախարար Վարդան Օսկանյանը, պաշտպանության նախարար Միքայել Հարությունյանը, հայկական խորհրդարանի պատգամավորներ Արմեն Ռուստամյանն ու Հրանուշ Հակոբյանը, Երեւանի քաղաքապետ Երվանդ Զախարյանը: Լեռնային Ղարաբաղի նախագահի երդման արարողությանը մասնակցելու են նաեւ Աբխազիայից եւ Հարավային Օսիայից ժամանած պատվիրակություններ, հաղորդում է «Նովոստի-Առմենիան»: