ԼՂՀ էկոնոմիկայի փոխնախարար. Բաքուն խախտում է զբոսաշրջային էթիկայի համաշխարհային օրենսգրքի դրույթները 8 փետրվարի 2017 - 13:37 AMT PanARMENIAN.Net - Ադրբեջանը, հանդիսանալով ՄԱԿ Զբոսաշրջության համաշխարհային կազմակերպության գործադիր խորհրդի նախագահ երկիր, բացահայտ անհարգալից վերաբերմունք է դրսևորում և կոպտորեն խախտում է ՄԱԿ-ի ԶՀԿ-ի կանոնադրության, ինչպես նաև Զբոսաշրջային էթիկայի համաշխարհային օրենսգրքի դրույթները, որոնց հանդեպ երկիրն ունի պարտավորություններ: Այս մասին PanARMENIAN.Net ի հետ զրույցում ասաց ԼՂՀ էկոնոմիկայի նախարարի տեղակալ Սերգեյ Շահվերդյանը՝ մեկնաբանելով հայտնի բլոգեր Ալեքսանդր Լապշինի հետապնդումը: «Ադրբեջանի պահանջով հայտնի բլոգեր Ալեքսանդր Լապշինի արտահանձնումը Բելառուսի կողմից և Ադրբեջանում քրեական հետապնդումը հերթական ցույց է տալիս վերջինիս՝ որպես մարդու հիմնարար ազատությունները ոնտահարող երկրի ամբողջ էությունը: Այնուամենայնիվ, մեր խորին համոզմամբ, հարևան երկրի գործողությունները չեն խոչընդոտելու Արցախում կայուն զբոսաշրջության զարգացմանն ուղղված ջանքերին», - ասաց Շայվերդյանը: Փետրվարի 7-ին ՌԴ, Ուկրաինայի և Իսրայելի քաղաքացի, բլոգեր Ալեքսանդր Լապշինն արտահանձնվել է Ադրբեջան: Բելառուսի Գերագույն դատարանն ուժի մեջ էր թողել Լապշինին Ադրբեջանին արտահանձնելու որոշումը: Գերագույն դատարանը Լապշինի բողոքարկման դիմումը քննել էր փակ ռեժիմով, նրա բացակայությամբ: Մի քանի անգամ Լեռնային Ղարաբաղ և Ադրբեջան այցելած Լապշինը ձերբակալվել էր Մինսկում 2016-ին՝ Ադրբեջանի սահմանն ապօրինի հատելու մեղադրանքով: ՌԴ-ն ու Իսրայելը դեմ էին բլոգերի արտահանձնմանը, սակայն դիվանագետների ջանքերն արդյունք չտվեցին: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |