Ադրբեջանի օմբուդսմեն. Լապշինին առնվազն 1 տարվա ազատազրկում է սպառնում13 փետրվարի 2017 - 17:45 AMT PanARMENIAN.Net - Ադրբեջանի մարդու իրավունքների պաշտպանի աշխատակազմի ղեկավար Այդին Սաֆիրխանլին հայտարարել է, թե Մինսկում Ադրբեջանի հարցումով ձերբակալված ռուսաստանցի բլոգեր Ալեքսանդր Լապշինին Ադրբեջանին արտահանձնելիս պահպանվել են քրեական և քրեակատարողական օրենսդրության բոլոր պահանջները: Փետրվարի 7-ին Բելառուսի Գերագույն դատարանն ուժի մեջ է թողել ՌԴ և Իսրայելի քաղաքացի Ալեքսանդր Լապշինին Ադրբեջանին արտահանձնելու որոշումը: Նույն օրը նա տեղափոխվել է Բաքու և այժմ գտնվում է մեկուսարանում: «Ըստ օրենսդրության, քրեական պատասխանատվության կանչելու համար կա արտերկրից անձին արտահանձնելու պահանջ: Ըստ դրա, անձի կատարած քրեական արարքների համար հարցում ներկայացրած պետության և հարցումն ընդունած երկրի օրենսդրությունների մեջ պետք է նախատեսված լինի առնվազն 1 տարվա ազատազրկում կամ ավելի խիստ պատիժ»,-ասել է Սաֆիրխանլին, հայտնում է ՌԻԱ Նովոստին Թրենդի վրա հղումով: Նա նշել է, որ Լապշինի դեպքում նրան սպառնում է առնվազն 1 տարվա ազատազրկում: «Լապշինի արարքների համար ըստ Ադրբեջանի ՔՕ նախատեսվում է 5-8 տարվա ազատազրկում»,-ասել է նա: Նմանատիպ արարքների համար Բելառուսի ՔՕ համաձայն նախատեսվում է 2-5 տարվա ազատազրկում: 2016-ի դեկտեմբերին բլոգեր Ալեքսանդր Լապշինին ձերբակալել են Մինսկում Ադրբեջանի հարցումով, որտեղ նա ընդգրկված է «սև ցուցակում» ԼՂՀ այցելելու համար: ԼՂՀ այցելած անձանց համար մուտքն Ադրբեջան արգելված է: Այնուամենայնիվ, 2015-ի հունիսին Լապշինը մուտք է գործել Ադրբեջան Վրաստանի տարածքից ուկրաինական անձնագրով: Նրան հաջողվել է անցնել սահմանային հսկողությունը և հայտնվել Բաքվում, քանի որ ուկրաինական անձնագրում Ալեքսանդր անունը գրված էր «Օլեքսանդր»: Դրանից հետո Ադրբեջանը բլոգերի միջազգային հետախուզոմ էր հայտարարել «Պետական սահմանի մասին» օրենքը և երկրի միգրացիոն օրենսդրությունը խախտելու համար: ՌԴ ԱԳՆ-ն հայտարարել է, որ ՌԴ քաղաքացու արտահանձնումը երրորդ երկիր անթույլատրելի է: Ընթերցեք նաև. Amnesty International-ը պահանջել է անհապաղ ազատել Լապշինին Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը |