ՊՆ. Ազգային փոքրամասնությունների հանդեպ խտրականությունն Ադրբեջանի քաղաքականությունն է14 փետրվարի 2017 - 12:57 AMT PanARMENIAN.Net - Հայաստանից ժամանակավոր ապաստան խնդրած Ադրբեջանի քաղաքացի Շահին Միրզոևի քայլը ևս մեկ վկայությունն է, որ Ադրբեջանում մարդու իրավունքների ոտնահարումը, հատկապես՝ ազգային փոքրամասնությունների նկատմամբ խտրականությունը և անմարդկային վերաբերմունքը, շարունակում են մնալ պետական քաղաքականություն: Այս մասին փետրվարի 14-ին լրագրողների հետ զրույցում ասել է ՀՀ պաշտպանության նախարար Վիգեն Սարգսյանը։ Փետրվարի 11-ին Թալիշական մշակույթի խորհրդի անդամ, Թալիշական ազատագրական շարժման մասնակից, «Թոլիշի Սադո» թերթի թղթակից Շահին Միրզոևը դիմել էր Հայաստանի իշխանություններին՝ խնդրելով իրեն տրամադրել ժամանակավոր ապաստան, քանի որ ստիպված է եղել փախչել Ադրբեջանից՝ ազգային և կրոնական փոքրամասնությունների հանդեպ բռնաճնշումների ու նրանց իրավունքների կոպտագույն ոտնահարումների պատճառով, և ընտանիքով ժամանել Հայաստան։ «Մենք, ստանալով նման խնդրանք Ադրբեջանի քաղաքացու կողմից, անմիջապես քննարկել ենք ու եկել այն եզրահանգման, որ որևէ հիմքեր՝ մերժելու ժամանակավոր ապաստանի խնդրանքը, չունենք», - ասել է Սարգսյանը, հաղորդում է Aysor.am-ը: Նախարարն ընդգծել է, որ միջազգային կառույցների հետ փոխգործակցելով՝ Հայաստանն անելու է ամեն ինչ, որ ապահովի այդ մարդու՝ օրենքով սահմանված իրավունքների պաշտպանությունն ու նրա համար մշտական ապաստան գտնելը։ Թալիշներն իրանալեզու ազգ են, հիմնականում բնակվում են Ադրբեջանի ու Իրանի` Կասպից ծովին սահմանամերձ հատվածներում: Ադրբեջանում, պաշտոնական տվյալլներով, ապրում է մոտ 110 հազար թալիշ: «Թոլիշի Սադո» թերթի խմբագիր Հիլալ Մամեդովն 2013 թվականին Ադրբեջանի դատարանի որոշմամբ 5տարվա ազատազրկման էր դատապարտվել: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Ադրբեջանի մեջլիսում մտահոգ են այդ երկրի պաշտոնյաների դեմ ԱՄՆ հնարավոր պատժամիջոցների հեռանկարով Օրուջն ասել է, թե կարելի է «Փաշինյանին հրավիրել Բաքու, բայց փակել մուտքը երկիր պատժամիջոցների կողմնակիցների համար» ԱԳՆ․ ՀՀ-ն չի մասնակցի ՀԱՊԿ գործունեության ֆինանսավորմանը Ուշակովն ավելի վաղ ասել էր, որ Հայաստանը պատրաստվում է ձեռնպահ մնալ ՀԱՊԿ-ի ֆինանսավորումից Սյունիքի Շաքի գյուղի մոտ կկառուցվի մաքսային և լոգիստիկ կենտրոն Կենտրոնը հագեցված է լինելու լաբորատոր սարքավորումներով և պարագաներով, սկանավորման սարքերով ՀՀ-ն և ՎԶԵԲ-ը 236 մլն եվրոյի վարկային համաձայնագիր կստորագրեն Սիսիան-Քաջարան ճանապարհի մի հատվածը կառուցելու համար Կկառուցվի 5 թունել, 11 կամուրջ, 68 հեղեղատ, 43 հենապատ |