ՀՀ-ն ԱՄՆ-ից լրացուցիչ $4.8 մլն կստանա 6 ծրագրի ֆինանսավորման համար

16 փետրվարի 2017 - 16:13 AMT

PanARMENIAN.Net - Գործադիրը համաձայնություն է տվել ՀՀ և ԱՄՆ կառավարությունների միջև «Ավելի մրցունակ և զանազանեցված մասնավոր հատվածի շուրջ» օժանդակության համաձայնագրի թիվ 9 փոփոխության կնքման առաջարկությանը:

Ըստ այդմ՝ նախատեսվում է 4.800.000 ԱՄՆ դոլար լրացուցիչ ֆինանսական հատկացում, որի դեպքում ամերիկյան կողմի տրամադրած դրամաշնորհների ընդհանուր գումարը համաձայնագրի շրջանակում կկազմի 61.136.078 ԱՄՆ դոլար:

ԱՄՆ ՄԶԳ տրամադրած տեղեկատվության համաձայն` հատկացվելիք 4.800.000 ԱՄՆ դոլարը կուղղվի իրականացվող 6 ծրագրի ֆինանսավորմանը, մասնավորապես, «Գործընկերություն գյուղական բարեկեցության», «Գյուղական զարգացման ընդլայնված նախաձեռնություն», «Մշակութային զբոսաշրջություն Հայաստանում», «Աջակցություն Ագրոբիզնեսի ուսուցման կենտրոնին»:

2016-ին ՀՀ կառավարության և ԱՄՆ կառավարության միջև ստորագրվել է ավելի մրցունակ մասնավոր հատվածի շուրջ օժանդակության համաձայնագրի թիվ 8 փոփոխությունը, որով նախատեսվում է լրացուցիչ 1. 200.000 ԱՄՆ դոլարի չափով ֆինանսական հատկացումների իրականացում: Լրացուցիչ ֆինանսական հատկացումները կուղղվեն դեպի մասնավոր հատվածի մրցունակության և ենթակառուցվածքների զարգացման, մասնավորապես, տուրիզմի և քաղավիացիայի ոլորտներ:

Ուշագրավ

Ըստ ԿԲ-ի՝ Արցախի կուտակային կենսաթոշակային համակարգի գումարներն ապահով ակտիվներում են

Ըստ ֆինանսների նախարարության՝ միջպետական վարկի մնացորդն ուղղվելու է բռնի տեղահանված անձանց աջակցությանը

Խաղողի 65,000 տ ավելցուկ կա. Մթերող ընկերությունները կսուբսիդավորվեն

Կապահովվի խաղողի մթերումների գործընթացի կազմակերպումը

ԵԱԶԲ–ն չի բացառել՝ ՀՀ տնտեսական աճը տարեվերջին կարող է գերազանցել 7․5%-ը

Բանկի զեկույցում նշվում է, որ Հայաստանի տնտեսական ակտիվությունն ավելացել է 10․4 տոկոսով հունվար–օգոստոսին

ԿԲ. Տեղահանված արցախցիների վարկերի մասով անհատական կամ ընդհանուր լուծումներ կառաջարկվեն

Տարհանված քաղաքացիների ֆինանսական սպասարկման հետ կապված կարող են խնդիրներ առաջանալ հիմնականում գրավադրված գույքի (ոսկով գրավադրված վարկերի) ֆիզիկական առկայության մասով