Հռոմի պապ. Ավելի լավ է աթեիստ լինել, քան կեղծավոր քրիստոնյա

Հռոմի պապ. Ավելի լավ է աթեիստ լինել, քան կեղծավոր քրիստոնյա

PanARMENIAN.Net - Որոշ մարդիկ պետք է խոստովանեն, որ իրենց կյանքը հարիր չէ քրիստոնյային, քանի որ «շահագործում են մարդկանց, նրանց համապատասխան աշխատավարձ չեն վճարում, ներքաշվում են «կեղտոտ գործերի» մեջ, փող են լվանում ու երկակի կյանք վարում»: Այս մասին Հռոմում փետրվարի 23-ին ունեցած իր ելույթում ասել է Հռոմի կաթոլիկ եկեղեցու քահանայապետ Ֆրանցիսկոս պապը, հաղորդում է The Independent-ը:

Նա նշել է, որ ավելի լավ է լինել աթեիստ, քան երկակի կյանք վարող, կեղծավոր «բազում» քրիստոնյաներից մեկը: Քննադատելով իր ղեկավարած եկեղեցու որոշ անդամներին, նա ասել է՝ սկանդալ է, երբ մարդն ասում է մեկ բան, բայց անում բոլորովին այլ բաներ. դա երկակի կյանք վարել է:

Նա նշել է, որ բազմաթիվ կաթոլիկներ կան, որ ասում են, թե իսկական քրիստոնյա են, պատարագների են հաճախում, սակայն միևնույն ժամանակ շահագործում են մարդկանց, ինչն անընդունելի է:

Ավելի վաղ Հռոմի կաթոլիկ եկեղեցու քահանայապետ Ֆրանցիսկոս պապն ասել է, որ կանայք երբեք չեն կարող դառնալ կաթոլիկ եկեղեցու քահանաներ:

 Ուշագրավ
Այդ են վկայում The Lancet Infectouse Diseases և The Lancet Public Health հանդեսներում հրապարակված հետազտությունների արդյունքները
«Հուսով եմ, որ պատվաստանյութը կգործի ոչ թե 1-2 տարի, այլ ցմահ»,-ասել է Գինցբուրը
Բիստը նշել է, որ երկու շաբաթ առաջ նոր համաձայնագիր է կնքվել
---