 Մեծ Բրիտանիայի Լորդերի պալատը հավանություն է տվել Brexit-ի գործարքի մեկնարկին 14 մարտի 2017 - 12:20 AMT PanARMENIAN.Net - Մեծ Բրիտանիայի Լորդերի պալատն օրինագիծ է ընդունել, որը թույլ է տալիս կառավարությանը սկսել Եվրամիությունից երկրի դուրս գալու գործընթացը: Օրինագիծը թույլ է տալիս վարչապետին, թեև չի պարտավորեցնում, իրազեկել ԵՄ-ին կազմակերպության կազմից Մեծ Բրիտանիայի դուրս գալու մասին, քանի որ բրիտանացիների մեծ մասը կողմ է քվեարկել դրան 2016-ի հունիսին, հայտնում է BBC-ին: Լորդերի պալատը մարտի սկզբին 2 ուղղում էր արել օրինագծում: Առաջինը պահանջում էր երաշխավորել, որ այլ երկրների այն քաղաքացիները, որոնք արդեն ապրում են Մեծ Բրիտանիայում, կշարունակեն ապրել երկրում նույն պայմաններով, անկախ դուրս գալու մասին բանակցությունների ելքից: Երկրորդ ուղղումով պահանջվում էր կառավարությունից խորհրդարանին ներկայացնել ԵՄ-ից դուրս գալու պայմանների վերաբերյալ համաձայնագիրը մինչև ստորագրելը, որպեսզի խորհրդարանականները կարողանան իրենց դիտողությունները հայտնել: Ըստ կառավարության, այդ ուղղումները սահմանափակում են նրա հնարավորությունները առաջիկա բանակցություններում: Լորդերի առաջարկած ուղղումներով օրինագիծը կրկին ներկայացվել էր Համայնքների պալատ, որը մարտի 13-ին կառավարության պնդմամբ հանեց ուղղումները և վերադարձրեց օրինագիծը սկզբնական տեսքով վերին պալատ: Ուժի մեջ մտնելու համար օրենքը պետք է ստորագրի նաև թագուհին, սակայն դա ձևական բնույթ է կրում: Մինչդեռ Շոտլանդիան մտադիր է համաձայնեցնել Բրիտանիայի հետ անկախության մասին նոր հանրաքվեի հարցը: Այդ մասին հայտարարել է Շոտլանդիայի առաջին նախարար Նիկոլա Սթերջենը: Հղումներ թեմայով.   Ուշագրավ Կավելացվեն ծախսերը նաև հատուկ նշանակության նախագծերի ֆինանսավորման համար Շատերը զրկվել են տանիքից և գիշերում են փողոցում Պատճառը հայտնի չէ Օրինագծով նաև նախատեսվում է հստակեցնել այն ժողովուրդների ցանկը, որոնք պատմականորեն ապրել են Ռուսաստանի տարածքում   Ամենաընթերցվողը բաժնում |  Վերջին լուրեր Հայաստանն ու Ադրբեջանը նախնական համաձայնեցրել են սահմանագծի առանձին հատվածները  Կողմերը պայմանավորվածություն են ձեռք բերել, որ սահմանազատման գործընթացում կառաջնորդվեն Ալմաթիի 1991թ. հռչակագրովԼավրով․ ՀՀ–ին բոլորից ձեռնատու է ԵվրԱզԷՍ–ը, հաշված է Նա հավելել է, որ ՀՀ–ն, փոքր երկիր լինելով, շատ ավելի քիչ է տալիս, բայց բոլորին հավասար իրավունքներ ունիCFTJ-ը Ադրբեջանի դեմ Հաագայի դատարան դիմում է ներկայացրել՝ հայերի նկատմամբ ցեղասպան գործողությունների հետ կապված Դիմումը վերաբերում է Ադրբեջանի զինուժի գործողություններին Հհ տարածքում 2021 թվականինՌուբեն Վարդանյանը 14 օր է` հացադուլ է անում. Պահանջում է բոլոր հայ բանտարկյալների անհապաղ ազատում Նրա ընտանիքը հայտարարել է, որ COP 29-ը չպետք է տեղի ունենա Ադրբեջանում, եթե իրենց պահանջները չկատարվեն |
