ԱՊՀ գործադիր կոմիտեի նախագահ է դարձել ՌԴ արտաքին հետախուզության ղեկավար Սերգեյ Լեբեդեւը, ուրբաթ ԱՊՀ գագաթնաժողովին հաղորդել է կազմակերպության նախագահ, Ղազախստանի նախագահ Նուրսուլթան Նազարբաեւը: Նա այդ պաշտոնում փոխարինելու է Վլադիմիր Ռուշայլոյին, որի ժամկետը ավարտվել է դեռ այս տարվա ապրիլին: ԱՊՀ նոր գործադիր քարտուղարը բանակի գեներալ է, ՌԴ արտաքին հետախուզության ղեկավարը:

Ս. Լեբեդեւը ծնվել է 1948 թվականի ապրիլի 9-ին Ուզբեսկտանի ԽՍՀ Ջիզակ քաղաքում: 1970 թվականին ավարտել է Կիեւի պոլիտեխնիկական ինստիտուտի Չերնիգովի մասնաճյուղը, ապա ԽՍՀՄ ՊԱԿ դպրոցն ու ԽՍՀՄ ՊԱԿ կարմրադրոշ ինստիտուտը, 1978 թվականին ԽՍՀՄ ԱԳՆ Դիվանագիտական ակադեմիան: 1973-1975 թվականներին աշխատել է պետական անվտանգության մարմիններում: 1975 թվականից արտաքին հետախուզությունում. ԽՍՀՄ ՊԱԿ Առաջին գլխավոր վարչությունում, որտեղ նա ուղի է անցել մինչեւ ծառայության ղեկավար: 1998-2000 թթ.` ԱՄՆ ՌԴ արտաքին հետախուզության պաշտոնական ներկայացուցիչ: 2000 թվականի մայիսի 20-ից ՌԴ Արտաքին հետախուզության ծառայության տնօրեն: 2000 թվականից ՌԴ Անվտանգության խորհրդի մշտական անդամ: