ԼՂՀ Պաշտպանության բանակի ստորաբաժանումները չեն խախտում զինադադարի ռեժիմը եւ Ադրբեջանի պաշտպանության նախարարության տվյալներն, ինչպես միշտ, չեն համապատասխանում իրականությանը: Այդ մասին PanARMENIAN.Net-ի թղթակցին են հաղորդել ԼՂՀ Պաշտպանության նախարարությունում: «Հակառակը, ադրբեջանական կողմը բավականին հաճախ է դրդում մեզ պատասխան կրակի եւ համարժեք պատասխան է ստանում»,-հայտարարել է Լեռնային Ղարաբաղի պաշտպանության նախարարության ներկայացուցիչը:

Նշենք, որ ԱՊԱ-ի տվյալներով, սեպտեմբերին Հայաստանի Զինված ուժերը զինադադարի ռեժիմը խախտել են 76 անգամ, որի արդյունքում զոհվել է հինգ ադրբեջանցի զինծառայող, մեկը վիրավորվել է: Հաղորդագրության մեջ ասվում է նաեւ, որ հայերի կողմից զինադադարի խախտման փաստերի քանակը հունվար-սեպտեմբեր ամիսներին հասնում է 332-ի: