Բելառուս բլոգեր. Լապշինին արտահանձնելով՝ Մինսկն արտոնություններ էր ակնկալում Բաքվից, բայց սխալվեց20 մարտի 2017 - 15:49 AMT PanARMENIAN.Net - Բելառուսի նախագահ Ալեքսանդր Լուկաշենկոն հետխորհրդային երկրներում մի քաղաքականություն է վարում, երբ իր համար կարևոր են Բաքվի հետ հարաբերությունները նավթի ու գազի շուրջ, իսկ խոսքի ազատությունը ոչ մի արժեք չունի: Այդ մասին մարտի 20-ին հայտարարել է ռուսաստանցի բլոգեր Անտոն Նոսիկը, որն Արցախում ընթացող բլոգերների միջազգային համաժողովի մասնակիցներից է: Համաժողովը բողոքի ակցիա է Մինսկում Բաքվի հարցումով ռուսաստանցի բլոգեր Ալեքսանդր Լապշինի ձերբակալության դեմ: Նոսիկը հավելել է, որ պատրաստ չէ հաշվի առնել այդ շահերը: «Ադրբեջանը չպետք է նեղանա իմ գրառումներից: Ես ոչ միայն նրանց իշխանության մասին եմ գրում: Կան ռեժիմներ, որոնք ընդունում են քննադատությունը, կան այնպիսիք, որ ցանկանում են, որ միայն իրենց կարծիքը տարածվի: Եթե նրանք ուզում են վախեցնել, ապա ես չեմ ուզում վախենալ», -ասել է Նոսիկը, հայտնում է Aysor.am-ը: Նա հայտարարել է, որ Ալեքսանդր Լապշինի արտահանձնումը միջազգային իրավունքի խախտում է: Մի քանի անգամ Լեռնային Ղարաբաղ և Ադրբեջան այցելած Լապշինը ձերբակալվել է Մինսկում 2016 թվականին՝ Ադրբեջանի սահմանն ապօրինի հատելու մեղադրանքով: ՌԴ-ն ու Իսրայելը դեմ էին բլոգերի արտահանձնմանը, սակայն դիվանագետների ջանքերն արդյունք չտվեցին և փետրվարի 7-ին նա արտահանձնվեց Բաքու: Իր հերթին Բելառուսից ժամանած բլոգեր Ալեքսանդր Գոյշիկը հայտարարել է, թե Լապշինի գործում բոլոր կողմերն են պարտություն կրել: Ըստ նրա, արտահանձնելով Լապշինին, Մինսկը արտոնություններ էր ակնկալում Բաքվից, բայց սխալվեց: «Ինքս ճանապարհորդ եմ և գիտեմ, թե որքան վատ է մանրադրամ դառնալը նման քաղաքական խաղում: Ցավոք, այդ խաղը շատ վատ է անդրադարձել Բելառուսի միջազգային իմիջի վրա: Ամեն ինչ անիմաստ է, ոչ մի նավթ մենք չստացանք, իսկ բոլոր կողմերը պարտվեցին: Բելառուսները դեմ էին իշխանությունների այդ որոշմանը»,-ասել է նա՝ շեշտելով, որ սա իր 3-րդ այցն է Ստեփանակերտ: «Առաջին անգամ ես այստեղ եղել եմ 10 տարի առաջ, երկրորդ անգամ՝ 2016-ին, հոդված եմ գրել ռազմական գործողությունների ժամանակ: Իսկ երբ համաժողովին մասնակցելու հրավեր ստացա, հաճույքով ընդունեցի և եկա: Կարող եմ ասել, որ այսքան լարված քաղաքական և ռազմական իրավիճակում գտնվելով, երկիրը զարգանում է»,-ասել է նա: Արցախում բլոգերների միջազգային համաժողով է ընթանում, որին մասնակցում են արտերկրից ժամանած մի շարք հայտնի բլոգերներ: Մասնակիցների թվում են Անտոն Նոսիկն ու Անտոն Մերկուրովը ՌԴ-ից, Ալեքսանդր Ալիմովը Լատվիայից, Տարիկ Հաֆեդն Ալժիրից, Ռոմեն Միելրակը Ֆրանսիայից, Գիլադ Հափերնը Իսրայելից, Ալեքսանդր Հոյշիկը Բելառուսից, Իրինա Կովալչուկն Ուկրաինայից, Լուչանո Տիրիննազին Իտալիայից, Պետրուշկա Շուստովան Չեխիայից: Այդ մասին հայտնել է հայտնի բլոգեր Սամվել Մարտիրոսյանն իր ֆեյսբուքյան էջում: Ավելի վաղ հայտնի դարձավ, որ մի շարք հայտնի բլոգերներ և լրագրողներ աշխարհի տարբեր երկրներից մեկնում են Արցախի Հանրապետություն որպես բողոքի նշան Ադրբեջանի քաղաքականության դեմ: Դա բողոքի ակցիա է Մինսկում Բաքվի հարցումով ռուսաստանցի բլոգեր Ալեքսանդր Լապշինի ձերբակալության դեմ, որը ՌԴ և Իսրայելի քաղաքացի է: Մարտի 18-ի առավոտյան Երևան ժամանեցին հայտնի ռուս բլոգերներ Անտոն Նոսիկն ու Անտոն Մերկուրովը, խմբագիր Սվետլանա Բոլշակովան և մի շարք այլ բլոգերներ ու լրագրողներ: Մարտի 19-ին նրանք ուղևորվել են Արցախ: Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |