Նախագահը Նովրուզի առթիվ շնորհավորել է ՀՀ քրդական համայնքին
Նախագահ Սերժ Սարգսյանի շնորհավորել է Հայաստանի քրդական համայնքին Նովրուզի կապակցությամբ:
«Գարնանային այս գեղեցիկ տոնը, բնության զարթոնքն ու նոր տարին ուրախությամբ են լցնում բոլորիս սրտերը: Հայաստանի քաղաքացիներն իրենց քուրդ եղբայրների և քույրերի հետ կիսում են Նովրուզի բերկրանքը:
Կրկին շնորհավորելով այս պայծառ տոնի առթիվ՝ մաղթում եմ ձեզ բարձր տրամադրություն, և թող բացվող գարունը լավատեսությամբ ու երջանկությամբ լցնի ձեր կյանքը և ավելի ջերմացնի մեր դարավոր բարեկամությունը»,- գրել է Սարգսյանը, հաղորդում է նախագահի աշխատակազմի հասարակայնության և տեղեկատվության միջոցների հետ կապերի վարչությունը:
«Նովրուզի» քրդերեն նշանակում է «նոր օր»: Ըստ արեգակնային օրացույցի, այն գարնանառաջին օրն է: Բնությունն արթնանում է և սկսում նոր կյանք:
