Մարտի 30-ին` ժամը 17:55-ին, ՀՀ արտակարգ իրավիճակների նախարարության ճգնաժամային կառավարման կենտրոնում ահազանգ է ստացվել, որ Դաշտադեմ-Քարակերտ ավտոճանապարհի 5 կմ-ի մոտակայքում հայտնաբերվել է ականանման առարկա. անհրաժեշտ է սակրավորների խումբ:
ԱԻՆ կայքը տեղեկացնում է, որ դեպքի վայր են մեկնել հրշեջ-փրկարարական ջոկատի օպերատիվ և Ճգնաժամային կառավարման ազգային կենտրոնի օպերատիվ խմբերը:
Սակրավորների կողմից պարզվել է, որ հայտնաբերվածը ժանգոտված, առանց պայթուցիչի հակատանկային TM-57 տիպի ական է և իրենց վտանգ չի ներկայացնում։
Ականը հանձնվել է Թալինի ոստիկանության աշխատակիցներին: