Exit Poll-ի նախնական տվյալները. ՀՀ ԱԺ քաղաքական 4 ուժ է անցնում

2 ապրիլի 2017 - 20:40 AMT

PanARMENIAN.Net - BS/The Gallup կազմակերպության նախնական՝ Exit Poll-ի (հետընտրական հարցման) առաջին տվյալներն արդեն կան, և ըստ դրանց Հայաստանի խորհրդարան քաղաքական 4 ուժ է անցնում՝ Հանրապետական կուսակցությունը, «Ծառուկյան» դաշինքը, ԵԼՔ-ն ու ՀՅԴ-ն:

Ըստ այդ արդյունքների, Հանրապետական կուսակցությունը հավաքել է ձայների 46%-ը, «Ծառուկյան» դաշինքը՝ 25%-ը, ԵԼՔ դաշինքը՝ 10%-ը, Հ.Յ.Դաշնակցությունը՝ 5%-ը, «Հայկական վերածնունդ» կուսակցությունը՝ 4%-ը, «Օհանյան-Րաֆֆի-Օսկանյան» դաշինքը՝ 3%-ը, Կոնգրես-ՀԺԿ-ն՝ 3%, «Ազատ դեմոկրատները»՝ 2%-ը, Կոմունիստական կուսակցությունը՝ 2%-ը, գրում է Նովոստի Արմենիան:

Հարցումն անցկացվել է ՀՀ 125 ընտրատեղամասում, մասնակցել է 30.000 ընտրող:

Ապրիլի 2-ին՝ ժամը 20:00-ին, ՀՀ-ում փակվել են բոլոր՝ 1997 ընտրատեղամասերը. խորհրդարանական ընտրություններն ավարտվել են:

Ազգային ժողովի ընտրապայքարին մասնակցում էր քաղաքական9ուժ, որից 4-ը՝ դաշինք, 5-ը՝ կուսակցություն: Դրանք են՝ Հանրապետական, Հ.Յ. Դաշնակցություն, «Հայկական վերածնունդ», «Ազատ դեմոկրատներ» և Հայաստանի կոմունիստական կուսակցությունները և «Ծառուկյան», ԵԼՔ, Կոնգրես-ՀԺԿ և «Օհանյան-Րաֆֆի-Օսկանյան» դաշինքները:

Հղումներ թեմայով.

СРОЧНО! В парламент Армении проходят четыре политсилы - exit-poll. Newsarmenia.am