Միջազգային խորհրդատվական միության համաժողովը Երևանում. 50-ից ավելի խորհրդատու է մասնակցում 4 ապրիլի 2017 - 17:01 AMT PanARMENIAN.Net - Ապրիլի 4-ին Երևանում իր աշխատանքները սկսեց Միջազգային խորհրդատվական միության (International Consulting Alliance-ICA) տարեկան համաժողովը, որի հյուրընկալող կողմը «Ամերիա» կառավարման խորհրդատվական ծառայությունն է: Միությունը, որը ստեղծվել է 2012-ին աշխարհում առաջատար IBF խորհրդատվական ընկերության նախաձեռնությամբ, միավորում է անկախ համախոհների, որոնք զարգացող երկրներում բարձրորակ խորհրդատվական ծառայություններ ենմատուցում: «Ամերիա» կառավարման խորհրդատվական ծառայությունը 2013-ից ICA-ի խորհրդի անդամ է: Համաժողովին մասնակցում է ավելի քան 50 խորհրդատու աշխարհի մոտ 30 երկրից, մասնավորապես՝ Միացյալ Թագավորությունից, Ֆրանսիայից, Գերմանիայից, Թուրքիայից, Մադագասկարից, Կիպրոսից, Իտալիայից, Բելգիայից, Ֆինլանդիայից, Իսպանիայից, ՌԴ-ից, Ուգանդայից, Զիմբաբվեից, Կիրգիզստանից, Չինաստանից, Մակեդոնիայից և մի շարք այլ երկրներից: Եռօրյա համաժողովը փորձի փոխանակման, աշխարհի տարբեր երկրներում նոր գործընկերական հարաբերությունների ստեղծման հնարավորություն է: Համաժողովի ժամանակ վերլուծվում են 2016-ի գործակցության արդյունքները, ներկայացվում են հաջողության առանձին պատմություններ, քննարկվում ապագայում գործակցության հնարավորությունները: Համաժողովի մասնակիցներին ողջունեց ՀՀ փոխվարչապետ, միջազգային տնտեսական ինտեգրման և բարեփոխումների նախարար Վաչե Գաբրիելյանը:
«Ուրախ ենք Հայաստանում հյուրընկալելու Միջազգային խորհրդատվական ընկերակցության համաժողովը: Ընկերակցությունն ընդգրկում է 64 երկրի ներկայացուցիչների, որոնք մասնագիտանում են երկրների զարգացման վրա»,- ասաց նա: Գաբրիելյանը հավելեց նաև. «Մեզ համար շատ կարևոր է, որ Հայաստանում խորհրդատվական ընկերություններ լինեն, որոնք կօգնեն ճիշտ ձևավորել կառույցներն ու ինստիտուտները, կապահովեն մեր երկրի զարգացումը»: Փոխվարչապետը նաև նշեց, որ համաժողովը հնարավորություն է տալիս հայաստանյան ընկերություններին ակտիվ մասնակցել այլ երկրներում տեղի ունեցող մրցույթներին: «Կառույցը թույլ է տալիս տեղական մրցույթներին մասնակցել կոնսորցիումներով, ինչն իր հերթին միջազգային փորձը տեղայնացնելու և երկրում օգտագործելուհնարավորություն է»,- ասաց Գաբրիելյանը: ICA-ի հիմնադիր, IBF ընկերության գործադիր տնօրեն Ֆրեդերիկ Անդրեն նշեց, որ Միջազգային խորհրդատվական միության աշխատանքի գաղափարը եղել է միջազգային և տեղական ընկերությունների միջև ավելի սերտ շփումը, ինչի շնորհիվ հնարավոր կլինի բարձրացնել գործակցությունների արդյունավետությունը, հնարավորություն տալ երկրներին ավելի շատ միջազգային տենդերներ շահել: «Մեր նպատակը միջազգային մակարդակի վրա գործակցելն է», - ասաց Անդրեն:
«Ամերիա» կառավարման խորհրդատվական ծառայության տնօրեն Տիգրան Ջրբաշյանն էլնշեց, որ ICA-ն համաշխարհային աճող կազմակերպություն է, որին արդեն անդամակցում են բազմաթիվ ընկերություններ: «Սա մի հարթակ է, որը թույլ է տալիս ձևավորել վստահություն և փոխադարձ օժանդակություն ցուցաբերել: Հիմանական գաղափարն է՝ չհորինել հեծանիվ, օգտագործելով տարբեր երկրների համապատասխան կառույցների գիտելիքները, այլ փորձել ավելի մրցունակ լինել ու ավելի լավ լուծումներ տալ տարբեր ոլորտներում երկրների խնդիրներին», - ասաց Ջրբաշյանը: Տիգրան Ջրբաշյանը նաև նշեց, որ Ամերիան այսօր եզակիներից է Հայաստանում, որը գրեթե բոլոր միջազգային ֆինանսական կառույցների հավատարմագիր ունի: «Այս 3 օրը փորձելու ենք հասկանալ, թե ինչպիսի գործակցություն կարող է լինել հետագայում: Կարծում եմ, որ Հայաստանի լրջագույն խնդիրը պրոֆեսիոնալ աշխատակազմի հետ է կապված: Մենք պետք է կարողանանք ձևավորել այնպիսի աշխատուժ, որը մրցունակ կլինի ոչ միայն Հայաստանում, այլև միջազգային հարթակներում, իսկ այդպիսի մասնագետները քիչ են»,- ասաց նա՝ նշելով, որ մյուս կարևոր հանգամանքը տեխնոլոգիաներն են: Ջրբաշյանի խոսքով՝ միջոցառումը շատ կարևոր է, քանի որ առաջին անգամ դուրս են եկել ԱՊՀ տարածք:
Միության մի շարք ընկերությունների հետ Ամերիան իրականացրել է Հայաստանում էներգետիկայի և անտառտնտեսության ոլորտի կարևորագույն ծրագրեր: «Էներգետիկայի ոլորտում այսօր երկու մեծ ծրագիր ենք իրականացնում, իտալական և գերմանական ընկերությունների հետ համատեղ: Դրանցից մեկը բարձրավոլտ ցանցերի ոլորտում խորհրդատվության տրամադրման հետ է կապված, մյուսը՝ սարքավորումների ներդրման խորհրդատվություն է», - ներկայացրեց Ջրբաշյանը՝ պատասխանելով PanARMENIAN.Net ի հարցին: «Ամերիա» ընկերությունների խմբի անդամ «Ամերիա» ՓԲԸ-ն Հայաստանում խորհրդատվական առաջատար կազմակերպություն է, իրականացնում է լայնածավալ աշխատանքներ կորպորատիվ վերակազմավորման, իրավաբանական խորհրդատվության, կորպորատիվ կառավարչական խորհրդատվության, պետական կառավարման ու բարեփոխումների և այլ ոլորտներում: «Ամերիա» ՓԲԸ մաս կազմող կառավարման խորհրդատվական ծառայությունը մասնագիտացված է ռազմավարության, գործառնական, մարքեթինգի, կորպորատիվ ֆինանսների, մարդկային ռեսուրսների կառավարման, հետազոտությունների և հանրային հատվածի խորհրդատվության ոլորտներում: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |