Հայաստանն առաջին անգամ կմասնակցի Ռուսաստանում կայանալիք «Երկնքի բանալիները» ՀՕՊ միջազգային մրցույթին: Այդ մասին հայտնել է ՌԴ ՌՏՈւ գլխավոր հրամանատարի տեղակալ, հակաօդային և հակահրթիռային պաշտպանության զորքերի հրամանատար, գեներալ-լեյտենանտ Վիկտոր Գումեննին «Էխո Մոսկվի» ռադիոկայանի եթերում:
«2017-ին մեզ կմիանան Հայաստանը, Ալժիրն ու Իրանը, ուստի շատ ավելի բարդ կլինի, ասել է նա լրագրողներին, հայտնում է ՌԻԱ Նովոստին:
Բացի այդ ՌԴ-ից բացի մրցույթին մասնակցելու են նաև Չինաստանը, Բելառուսը և Ղազախստանը: Ըստ գեներալի, այժմ ընթանում են ՌԴ համաբանակային փուլի նախապատրաստական աշխատանքները:
«Երկնքի բանալիները» մրցույթի արդյունքում կորոշվեն Ս-400, Ս-300ПМ, Ս-300ՊՍ զենիթահրթիռային համակարգերի, ինչպես նաև «Պանցիր-Ս» հրթիռահրանոթային համալիրի լավագույն անձնակազմերը:
Առաջին անգամ Ս-300 զենիթային հրթիռային համալիրները ցուցադրվել են 2011թ.-ի ՀՀ ռազմական շքերթի ժամանակ: Հայաստանն ունի առնվազն 3 դիվիզիոն Ս-300ՊՏ ու 2 դիվիզիոն Ս-300ՊՍ: Դրանք, հավանաբար, ձեռք են բերվել 2007-2008թթ. ընթացքում:
2015թ. Դեկտեմբերին ստորագրվել է «Հայաստանի Հանրապետության և Ռուսաստանի Դաշնության միջև Հավաքական անվտանգության կովկասյան տարածաշրջանում հակաօդային պաշտպանության միավորված տարածաշրջանային համակարգ ստեղծելու մասին» համաձայնագիրը: