Ռուստամյան. ՀՅԴ-ն և ՀՀԿ-ն բանակցում են գործակցելու շուրջ11 ապրիլի 2017 - 17:58 AMT PanARMENIAN.Net - «Հայ հեղափոխական դաշնակցություն» կուսակցությունը բանակցությունների մեջ է իշխող Հայաստանի Հանրապետական կուսակցության հետ: Այդ մասին խորհրդարանում լրագրողներին հայտնել է ՀՅԴ խմբակցության ղեկավար Արմեն Ռուստամյանը: Նրա խոսքով, բանակցություններն ընթանում են ՀՀԿ-ՀՅԴ համագործակցությունը նոր հարթություն տեղափոխելու շուրջ: «Ենթադրում եմ, որ այն համագործակցությունը, որի մասին դուք տեղյակ եք, պետք է շարունակվի, որովհետև այն անժամկետ էր, պայմանավորված չէր ինչ-որ ձևաչափով, իսկ այն հարցերը, որոնք արձանագրված են համագործակցության հարթակում, զգալի մասով լուծված չեն»,- ասել է Ռուստամյանը, գրում է Aravot.am-ը: ՀՅԴ խմբակցության ղեկավարն ասել է, որ գոհ են խորհրդարանական ընտրությունների արդյունքներից. աճ են արձանագրել: ՀՅԴ-ն գոհ է նաև ՀՀԿ-ի հետ գործակցությունից: Ռուստամյանը Փարպիում ընտրությունների անվավեր ճանաչվելը հենց համագործակցության արդյունք է համարում: Նրա խոսքով, եկել են այն եզրակացության, որ «չէին կարող այդ աստիճանի խայտառակ, ակնհայտ, ճչացող, ուղղորդված ընտրությունները համարվել նորմալ»: Ռուստամյանը համաձայնել է լրագրողների դիտարկմանը, որ խորհրդարանական ընտրություններում ընտրակաշառք բաժանվել է, սակայն ասել, որ պահանջարկն առաջացնում է առաջարկ. «Դա նորություն չի: Դրանից պետք է ազատվենք` գիտակցության բերելով մեր ընտրողին: Եթե դա տեղի չունենա, այս մասին անընդհատ խոսելու ենք: Այս հարցերի լուծումը հնարավոր է միայն համագործակցության միջոցով»: 2016-ին ՀՅԴ-ն Հայաստանի Հանրապետական կուսակցության հետ ստորագրել է համագործակցության համաձայնագիր, որի արդյունքում Հայ հեղափոխական դաշնակցությունը ստացել է 3 նախարարական, 2 մարզպետական պաշտոններ։ 2017-ի ԱԺ ընտրություններին մասնակցել էին 5 կուսակցություն և 4 դաշինք։ Քվեարկության արդյունքում Ազգային ժողով են անցել՝ ՀՀԿ, «Ծառուկյան» դաշինք, «Ելք» դաշինք, ՀՅԴ: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |