Չնախատեսված վայրում աղբ թափելու համար վարչական տույժերը կխստացվեն20 ապրիլի 2017 - 17:14 AMT PanARMENIAN.Net - Ոստիկանությունը սկզբունքային, հետևողական ու խստապահանջ է լինելու չնախատեսված վայրերում աղբ թափելու դեպքերի կանխարգելումն ապահովելու գործում: Այդ մասին ասվում է ոստիկանության հայտարարության մեջ, որով կառույցն արձագանքել է կառավարության հանձնարարականին: ՀՀ կառավարության կողմից ոստիկանությանը խնդիր է առաջադրվել արտաքին ծառայության ուժերով ապահովել չնախատեսված վայրերում աղբ թափելու դեպքերի կանխարգելումը: Հաշվի առնելով Հայաստանը բոլորի համար գրավիչ և հարմարավետ դարձնելու որդեգրած քաղաքականությունը և ստեղծված վիճակի անթույլատրելիությունը վարչապետ Կարեն Կարապետյանը կառավարության նիստում հանձնարարել է մեկնարկել «Մաքուր Հայաստան» ծրագիրը հենց ապրիլի 20-ից։ Ոստիկանությունը կոչ է անում համաքաղաքացիներին ընդգրկվել «Մաքուր Հայաստան» ծրագրում, օժանդակել իրավապահներին՝ բացառելու ճամփեզրերին, բնակավայրերում, հանգստի և ժամանցի գոտիներում աղբ թափելու դեպքերը: Ոստիկանությունը տեղական ինքնակառավարման մարմիններին, ձեռնարկատերերին, առևտրի և սննդի կետերի, հանգստի վայրերի տնօրեններին առաջարկում է առկա բոլոր միջոցներով և առավելագույնս կարճ ժամանակում իրականացնել տնօրինած տարածքների մաքրման աշխատանքն ու կանխել աղբ թափելու դեպքերը: Կառավարության ապրիլի 20-ի նիստում, անդրադառնալով աղբահանության վիճակին, վարչապետ Կարեն Կարապետյանը ասել էր, որ վիճակն ուղղակի ողբերգական է:«Պետք է նախատեսված վարչական տույժերը խստացնել, ըստ անհրաժեշտության քրեական պատասխանատվություն նախատեսել, ինչպես նաև վարչական պատասխանատվության ենթարկելու իրավասություն ունեցող մարմինների շրջանակը ընդլայնել»,- ասել է վարչապետը, հայտնում է Panorama.am-ը: ՀՀ արդարադատության նախարարին հանձնարարվել է երկամսյա ժամկետում քննարկել և կառավարության աշխատակազմ ներկայացնել համապատասխան օրենսդրական առաջարկություններ՝ աղբահանության և սանիտարական մաքրման ոլորտում իրավախախտումների համար առավել հստակ և համապարփակ պատասխանատվության նորմեր նախատեսելու հնարավորության վերաբերյալ: Վարչապետ Կարեն Կարապետյանը, անդրադառնալով աղբահավաքության և սանիտարական մաքրման աշխատանքներին, ասել է, որ հարկավոր է հատուկ ուշադրություն դարձնել զբոսաշրջության վայրերին: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը ՄԻՊ․ Անթույլատրելի է աուտիզմով մարդկանց ծաղրելու տեսարան պարունակող տեսանյութի տարածումը Պաշտպանն օգտատերերին հորդորել է հեռացնել վերոնշյալ տեսանյութը և բացառել դրա տարածումը ՀՀ և Մալթայի ԱԳ նախարարները քննարկել են ԵԱՀԿ գործունեությանն ու Ադրբեջանի հետ կարգավորման զարգացումները Հայաստանի և Մալթայի ԱԳ նախարարներն անդրադարձել են տարածաշրջանային հարցերի Eurowings–ը Բեռլին-Երևան ուղղությամբ թռիչքներ է սկսել Չվերթերը կիրականացվեն շաբաթական մեկ չվերթ |