Վրաստանի ողջ տարածքում արտակարգ իրավիճակ է մտցվել 8 նոյեմբերի 2007 - 14:24 AMT PanARMENIAN.Net - Չորեքշաբթի երեկոյան Վրաստանի նախագահ Միխաիլ Սահակաշվիլին հրամանագիր է ստորագրել Թբիլիսիում արտակարգ իրավիճակ մտցնելու վերաբերյալ: Երկրի վարչապետ Զուրաբ Նողաիդելիի խոսքերով, դա արվել է «հեղաշրջման փորձի» կապակցությամբ: «Հռչակագրով ժամանակավոր սահմանափակումներ են մտցվում ցույցերի եւ հանրահավաքների անցկացման, ինչպես նաեւ ԶԼՄ-ներում բռնության, իշխանափոխության եւ անկարգությունների կազմակերպման, ինչպես նաեւ ուժի կիրառմամբ իշխանության տապալման կոչերի համար»,-ասել է վարչապետը: Նողաիդելին ընդգծել է, որ արտակարգ դրությունը մտցվում է միայն Թբիլիսիում: Ընդ որում «խոսքի ազատությունը» ոչ մի կերպ չի սահմանափակվում», իսկ «ԶԼՄ-ների սովորական գործունեությունը կվերսկսվի հենց որ վերականգնվի բնականոն կարգը: Սակայն լույս հինգշաբթվա գիշերը Թբիլիսիում մտցված արտակարդ դրությունը տարածվեց ողջ Վրաստանի տարածքի վրա: Ինչպես հաղորդել է տնտեսական զարգացման նախարար Գիորգի Արվելաձեն, հատուկ պայմանների գործողության ժամկետը 15 օր է: Այդ ընթացքում սահմանափակումներ կլինեն տեղեկատվության ստացման եւ տարածման, ցույցերի, հանրահավաքների եւ գործադուլների անցկացման համար: «Ռուսթավի-2» մասնավոր հեռուստաալիքն արդեն հրաժեշտ է տվել իր հանդիսատեսներին` խոստանալով հանդիպել երկու շաբաթից: «Նովոստի-Գրուզիայի» աշխատակիցները դեռեւս չեն կարողացել պարզել թույլատրված է արդյոք իրենց աշխատել նոր պայմաններում: Ավելի վաղ Վրաստանի ՆԳՆ հատուկ նշանակության ուժերը գրավել էին «Իմեդի» հեռուստաալիքի գրասենյակը: «Իմեդիի» հեռարձակումը դադարեցվել է: Այդ հեռուստաալիքը, որ մինչեւ վերջերս պատկանում էր գործարար Բադրի Պատառկացիշվիլուն, ակտիվորեն լուսաբանում էր Թբիլիսիում ընդդիմության գործողությունները, հաղորդում է Լենտա.ռու-ն: Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |