Արցախի ՄԻՊ. 10 ամսում հակառակորդի կրակոցներից 20 զոհ ենք ունեցել 6 մայիսի 2017 - 13:26 AMT PanARMENIAN.Net - 2016 թվականի մայիսի 1-ից մինչև 2017 թվականի փետրվարի 28-ն ընկած ժամանակահատվածում հակառակորդի կողմից արձակված կրակոցների արդյունքում ղարաբաղյան կողմը 20 զոհ է ունեցել: Այս մասին Երևանում լրագրողների հետ հանդիպմանն ասել է Արցախի Հանրապետության մարդու իրավունքների պաշտպան Ռուբեն Մելիքյանը: «20 զոհը համարում ենք շատ մեծ թիվ», - ասել է նա, գրում է Panorama.am-ը: Մելիքյանի խոսքով, իրենք բարձրաձայնում են, որ Ադրբեջանը շարունակաբար թույլ է տալիս հրադադարի ռեժիմի խախտումներ: «Մենք պետք է կարողանանք միջազգային հանրության համար հասկանալի լեզվով մատուցել, ստեղծել տեղեկատվություն այդ խախտումների մասին, ինչն անում ենք»,- նշել է Մելիքյանը: Նա նաև հայտնել է, որ Արցախի ՄԻՊ-ի կողմից նախորդ տարվա դեկտեմբերի 9-ին հրապարակած միջանկյալ զեկույցը, որտեղ ներկայացված է Լեռնային Ղարաբաղի խաղաղ բնակչության և պաշտպանության բանակի զինվորների նկատմամբ ապրիլի 2-5-ն ընկած ժամանակահատվածում ադրբեջանական զինված ուժերի կողմից կատարված դաժանությունները, թույլ տրված մարդու իրավունքների խախտումները, մեծ ծավալով տարածվել է, դարձել շատ կառույցներում քննարկման առարկա: Երևանում լրագրողների հետ հանդիպմանն ասաց Արցախի մարդու իրավունքների պաշտպան Ռուբեն Մելիքյանը: «Մեր մանդատն է մեր գործառույթների շրջանակներում փաստահավաք առաքելություն իրականացնել, ամփոփել միջազգային հանրության համար հասկանալի լեզվով: Տվյալ դեպքում կազմել ենք զեկույց, հրապարակել, որը, իմ շատ գործընկերների խոսքերով, որակական հատկանիշներով տեղավորվում է միջազգային չափանիշների շրջանակներում: Մեծ ծավալով կարողացանք տարածում իրականացել ոչ միայն մենք անձամբ, այլ մեր շատ գործընկերներ, որոնց մասին տեղյակ էլ չենք: Այդպես մենք կարողացանք այս խնդիրը օրակարգային դարձնել շատ կառույցների համար, քննարկման առարկա դարձնել»,- նշել է նա: Նա նշել է, որ շարունակելու է այս ուղղությամբ աշխատանքները, այդ մասին բարձրաձայնելու է տարբեր ուղևորությունների ժամանակ: Խոսելով ապրիլյան պատերազմի զոհերի, վիրավորների իրավունքների պաշտպանության հետ կապած ընդդեմ Ադրբեջանի ՄԻԵԴ ներկայացված գործերի մասին, Մելիքյանն ասել է, որ 23 գործ կոմունիկացված է, վերաբերում է Ադրբեջանի հսկողության տակ հայտնված անձանց նկատմամբ իրականացված մարդու իրավունքների կոպտագույն խախտումներին: Նա նշել է, որ դեռ չեն տեսնում կոմունիկացված քաղաքացիական բնակչության ռմբակոծության հետ կապված գործերը: «Պատահական էլ չէ, կզարմանայի, եթե Եվրոպական դատարանը հակառակ առաջնահերթությամբ շարժվեր: Շարժվել է մարդու իրավունքների կարևորության կամ նշանակության առաջնահերթությամբ»,- ասաց Արցախի մարդու իրավունքների պաշտպանը: 2016-ի ապրիլի 2-ի վաղ առավոտյան, Ադրբեջանը լայնամասշտաբ ռազմական գործողություն սանձազերծեց Արցախի Հանրապետության հետ շփման գծի ամբողջ երկայնքով: Առճակատումը տևեց 4 օր՝ հետագայում ստանալով Քառօրյա պատերազմ կամ Ապրիլյան պատերազմ անվանումը։ Առավել թեժ մարտեր են ընթացել ռազմաճակատի վերածված առաջնային գծի հարավային՝ Հադրութի, և հյուսիսարևելյան՝ Մարտակերտի ուղղություններով։ Ադրբեջանական կողմը լայնածավալ հարձակողական գործողություններում կիրառեց իր զինանոցում եղած ռազմական տեխնիկայի գրեթե բոլոր հնարավոր տեսակները։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Գասպարյան․ 2022-ի սեպտեմբերի 13-ին զոհված 2 զինվորի դիերը դեռ միջդիրքային հատվածում են Չնայած նրան, որ հայկական կողմը Ադրբեջանին է տրամադրել դիերի կոորդինատները, սակայն մինչ օրս որևէ պատասխան չի ստացվել ԱՄՆ կոնգրեսականին մեղադրանք է առաջադրվել Ադրբեջանից տարիներ շարունակ կաշառք ստանալու համար Նույն գործով անցնում է նաև կոնգրեսականի կինը Բագրատ սրբազան․ Կիրանցից քայլերթով շարժվում ենք Երևան Նախատեսում են Երևան հասնել մայիսի 9-ին Կիրանցի բնակչուհի. Արդեն մենք չենք ուզում, որ ոստիկանները գնան՝ ականները հանել են, այլևս անվտանգ չէ «Երեկ ականազերծել են, թե ինչու են ոստիկանները գյուղում մնացել չգիտեմ»,–ասել է նա |