Ֆրանսիայում արգելել են չափազանց նիհար մոդելների ցուցադրել

Ֆրանսիայում արգելել են չափազանց նիհար մոդելների ցուցադրել

PanARMENIAN.Net - Ֆրանսիայում ուժի մեջ է մտել օրենքը, որով արգելվում է չափազանց նիհար մոդելների մասնակցությունը նորաձևության ցուցադրություններին և գովազդային նկարահանումներին: Դա թելադրված է ինչպես մոդելների, այնպես էլ մյուս քաղաքացիների առողջության մասին հոգածությամբ, առաջին հերթին երիտասարդ կանանց: Այդ մասին հայտարարել է առողջապահության նախարար Մարիսոլ Տուրենը:

Ըստ նրա, գեղեցկության անբնական և անիրական չափանիշները շատերի մոտ անլիարժեքության բարդույթ են առաջացնում, ինչն, իր հերթին, քրոնիկ թերսնուցման է հանգեցնում, գրում է BBC-ին:

Ըստ նոր կանոնների, որոնց խորհրդարանը հավանություն էր տվել 2 տարի առաջ, աշխատանքի ընդունվելիս մոդելը պետք է առողջության մասին տեղեկանք ներկայացնի բժշկից, այդ թվում առ այն, որ մարմնի զանգվածի ինդեքսը (քաշի ու հասակի հարաբերակցությունը) նորմայի սահմաններում է:

Օրենքը խախտելու համար մինչև 75.000 եվրո տուգանք է սահմանվել կամ մինչև 6 ամսվա ազատազրկում:

Հոկտեմբերի 1-ից կփոխվեն նաև լուսանկարների հետ աշխատանքի կանոնները: Ֆոտոխմբագրի օգնությամբ շտկված ֆոտոմոդելնեի լուսանկարները պետք է մակնշված լինեն՝ «լուսանկարը խմբագրված է»:

Նմանատիպ նորմեր են վերջին շրջանում ընդունվել Իտալիայում, Իսպանիայում և Իսրայելում: Ըստ բժիշկների, ավելի քան 30.000 ֆրանսիացի տառապում է անոռեքսիայից (հյուծում), որոնց 90 տոկոսը երիտասարդ կանայք են:

 Ուշագրավ
Ընտրությունները կայանալու էին նոյեմբերին, ինչը կհամընկներ Բաքվում կայանալիք COP29–ին հետ
Ըստ Յուսուբովի, այդ մարդիկ պետկառույցների աշխատակիցներ են և գործարարներ
Կողմերը քննարկելու են նաև համագործակցությունը նավթագազային ոլորտում
Էսմայիլին ասել է, որ թռիչքի ժամանակ եղանակը բարենպաստ է եղել, ամպամածություն եղել միայն մեկ հատվածում
---