Հայաստան է ժամանելու Լիտվայի ազգային պաշտպանության նախարարության պատվիրակությունը

PanARMENIAN.Net - Նոյեմբերի 12-ին եռօրյա պաշտոնական այցով Երեւան կժամանի Լիտվայի ազգային պաշտպանության նախարար Յոզաս Օլեկասի գլխավորած պատվիրակությունը: Ինչպես PanARMENIAN.Net ին հայտնել է ՀՀ պաշտպանության նախարարի մամլո քարտուղար, գնդապետ Սեյրան Շահսուվարյանը, նույն օրը պաշտպանության նախարարությունում տեղի կունենա Լիտվայի ազգային պաշտպանության նախարարի դիմավորման հանդիսավոր արարողությունը, որին կհաջորդի երկու երկրների նախարարների հանդիպումը, ՀՀ եւ ԼՀ պաշտպանության նախարարությունների միջեւ 2008թ. ռազմական համագործակցության պլանի ստորագրումը եւ նախարարների մամլո-ասուլիսը: Պաշտոնական այցի ծրագրի շրջանակներում պատվիրակությունը պաշտոնական հանդիպումներ կունենա ՀՀ նախագահ Ռոբերտ Քոչարյանի, վարչապետ Սերժ Սարգսյանի, Արտաքին գործերի նախարար Վարդան Օսկանյանի եւ պաշտպանության, անվտանգության եւ ներքին գործերի հարցերով Ազգային Ժողովի մշտական հանձնաժողովի նախագահ Արթուր Աղաբեկյանի հետ:



Լիտվայի Պատվիրակությունը կայցելի Ծիծեռնակաբերդ, ՀՀ ՊՆ Վ.Սարգսյանի անվան ռազմական ինստիտուտ, Մատենադարան: