ԵԼՔ դաշինքի արձանագրած ընտրախախտումները՝ 11 ժամում

PanARMENIAN.Net - Ժամը 08։00-ից մինչև 19։00-ն ԵԼՔ դաշինքի վստահված անձինք արձանագրել են հետևւալ ընտրախախտումները Երևանի ավագանու ընտրություններին․

- Ընտրատեղամասերում եղել են կուտակումներ ( մասնավորապես, բայց ոչ միայն 1/1, 1/2, 1/3, 1/4, 9/41 )

- ԵԼՔ դաշինքի վստահված անձանց և դիտորդների նկատմամբ կիրառել են ճնշումներ, մասնավորապես․

7/5 ընտրատեղամասում հանձնաժողովի անդամներըև անհայտ անձինք կոպտորեն խոչընդոտել են ընտրական գործընթացի նկարահանմանը։

- 6/14 ընտրատեղամասում հայհոյել են վստահված անձին։ Վերջինս դիմել է ոստիկանություն։

- 2/34 ընտրատեղամասում հանձնաժողովի անդամները խոչընդոտել են դիտորդի աշխատանքը և հեռացրել ընտրատեղամասից։

- Գունավոր գրիչներով քվեարկության բազմաթիվ դեպքեր (հիմնականում կարմիր և կանաչ)։

- 10/33 ընտրատեղամասում ծրարից թափվել են մանր թերթիկներ։

- 5/11 ընտրատեղամասում քվեախցիկների հետևում առկա է բաց դուռ, որտեղից ելումուտ է իրականացվում, ինչը հնարավորություն է ընձեռում քվեարկության ընթացքի դիտարկման համար։

- 8/51 և6/01 ընտրատեղամասերում հայտնաբերել են քվեարկած քվեաթերթիկ։

- 9/55 քաղաքացու մոտ հայտաբերել են քվեարկած քվեաթերթիկ, ինչի կապակցությամբ հաղորդում է տվել հանցագործության մասին։

- Իրականացվել են բռնություններ լրագրողների նկատմամբ, մասնավորապես․ Երևանի Էրեբունի վարչական շրջանի թիվ 64 դպրոցում տեղակայված 10/29 ընտրատեղամասում հարձակվել են armtimes.com-ի լրագրող ՏաթևԽաչատրյանի վրա, փորձել են խլել հեռախոսը։ Խլել են «Հրապարակի» լրագրողի տեսախցիկն ու արգելել նկարել։ 6/16 բռնություն է կիրառվել Հայկականժամանակ օրաթերթի լրագրողի նկատմամբ։ Խոչընդոտել են 1in.am լրատվականի լրագորղի գործունեությունը։

- 6/48 ընտրատեղամասում ՀՀԿ վստահված անձ Խաչատրյան Օգսենը ցուցակներով ուղղորդել է քաղաքացիներին։ Վստահված անձը ահազանգել է ԿԸՀ-ն, որից հետո նրան հեռացրել են։

- Ընտրողներին որպես օգնող գրանցված մարդիկ վերահսկել են նրանց քվեարկությունը։

- 6/01-ում ՀՀ ավագանու թեկնածուին տևական ժամանակ չեն կարողացել հեռացնել ընտրատեղամասից։

- Թիվ 9/55 ընտրատեղամասում դիտորդը և ԵԼՔ-ի վստահված անձը ահազանգել են «կառուսելի» մասին։

- 8/3 ընտրատեղամասի հանձնաժողովի նախագահն առանց խցիկների գրիչները փոխել է կարմիրներով։

- Մի քանի ընտրատարածքներում անհայտ անձինք ներկայացել են որպես դիտորդ տարբեր հասարակական կազմակերպությունների կողմից, սակայն ԿԸՀ ներկայացրած ցուցակներում այդ անձինք բացակայել են։ Նրանք իրականացրել են քաղաքացիների քվեարկության ուղղորդում՝ ՀՀԿ-ի օգտին։

ԵԼՔ դաշինքի վստահված անձանց ջանքերով նրանք հեռացվել են տեղամասերից։

- Արձանագրել ենք ոստիկանության համատարած անգործության փաստը ընտրատեղամասերում ընտրախախտումների և միջադեպերի նկատմամբ։

- Ոստիկանները անհամաչափ ուժ են գործադրել Երկիր ծիրանի կուսակցության քաղաքապետի թեկնածու Զարուհի Փոստանջյանի նկատմամբ։

- 6/14, 6/15 տեղամաասերում քվեատուփերը կապարակնքված չեն։

Մայիսի 14-ին՝ ժամը 8:00-ին, մեկնարկել են Երևանի ավագանու ընտրությունները։ Մայրաքաղաքում բացվել են ընտրատեղամասերը, քվեարկությունը կտևի մինչև ժամը 20:00-ն։Ավագանու ընտրություններին մասնակցում է երեք քաղաքական ուժ՝ ԵԼՔ դաշինքը, «Երկիր ծիրանի» կուսակցությունը, Հայաստանի Հանրապետական կուսակցությունը:

Կարդացեք նաև՝ Ժամը 17։00-ի դրությամբ քվեարկել է ընտրողների 34.52%-ը