ՆԱՏՕ-ն կօժանդակի Հարավային Կովկասի երկրներին գերարագ Ինտերնետի ապահովման գործում14 նոյեմբերի 2007 - 18:56 AMT PanARMENIAN.Net - ՆԱՏՕ-ն Հայաստանին, Վրաստանին եւ Ադրբեջանին 1,9 մլն եվրո կտրամադրի օպտիկամանրաթելային մալուխի վարձակալման համար` այդ երկրների կրթական եւ գիտական հաստատություններում գերարագ Ինտերնետի ապահովման նպատակով: Ինչպես չորեքշաբթի Երեւանում կայացած մամլո ասուլիսի ժամանակ հաղորդել է Կենտրոնական եւ Արեւելյան Եվրոպայի ցանցերի ասոցիացիայի գլխավոր քարտուղար, Հարավային Կովկասի երկրների գծով ՆԱՏՕ-ի խորհրդական Յացեկ Գաեւսկին, նման որոշում է կայացվել նոյեմբերի 12-14 Երեւանում անցած «Հայաստանի հետազոտական եւ կրթական ցանցեր` ձեռքբերումները, խնդիրները եւ լուծումները» թեմայով խորհրդաժողովում: Նրա խոսքերով, ծրագիրը կիրականացվի երեք հարավկովկասյան երկրների կողմից համաֆինանսավորման սկզբունքով, որոնք հարկ կլինեն ավելացնել ՆԱՏՕ-ի տրամադրած գումարի մոտ 20 տոկոսը, այսինքն մոտավորապես` 150 հազարական եվրո: «Մասնավորապես, Հայաստանն իր կողմից կտրամադրի մոտ 150 հազար եվրո: Եթե հայկական կողմը կարողանա հայթայթել հարկավոր գումարը, դա կվկայի այն մասին, որ նա շահագրգռված է այս նախագծով»,-ասել է Գաեւսկին: Նա նշել է, որ ծրագիրը կիրականացվի երկու փուլերով: «Առաջին փուլը կտեւի 2 տարի, եւ նախատեսում է մալուխի վարձակալություն եւ գերարագ Ինտերնետով հայկական բուհերի եւ գիտական հաստատությունների ապահովում»,-ասել է Գաեւսկին` հավելելով, որ ծրագրի հաջող իրականացման համար Հայաստանը պետք է իր կողմից ապահովի անհրաժեշտ սարքավորումներն ու համագործակցություն հաստատի բուհերի միջեւ: Նա ընդգծել է, որ մալուխի շահագործումը թույլ կտա Հայաստանի գիտական եւ կրթական կառույցներին արդեն 2008 թվականի գարնանից օգտվել գերարագ Ինտերնետից` վայրկյանում 34 Մբիտ թողունակությամբ: Նրա խոսքերով, երկրորդ փուլը նախատեսում է սեփական մալուխի անցկացում, ինչը կարժենա մոտավորապես 20 մլն եվրո: «Դա նշանակում է, որ Հայաստանին անհրաժեշտ է մինչ այդ հավաքել շուրջ 3 մլն եվրո»,-ասել է Գաեւսկին, հաղորդում է «Նովոստի-Արմենիան»: Ուշագրավ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա Ամենաընթերցվողը բաժնում | Ուսանողների օրը՝ Բիբլոս Բանկ Արմենիայի կրթաթոշակ ստացած ուսանողների հետ ԵՊՀ 10 ուսանող ստացել է Բիբլոս Բանկ Արմենիայի անվանական կրթաթոշակ Ձերբակալվել է Վահագն Չախալյանը և ևս 4 անձ Նրանք կասկածվում են խմբակային խուլիգանություն կատարելու մեջ Լեռնային շրջաններում սպասվում է թաց ձյուն և մինչև -2 աստիճան ցուրտ Երևանում մայիսի լույս 17–ի գիշերը սպասվում է +11 աստիճան, իսկ 17–ի ցերեկը՝ +21 Կիրանցեցիները փակել են Ոսկեպար տանող ճանապարհը Նրանք նշել են, որ հաշվի չեն առնվել իրենց դիտարկումները |