Առաջին Art Weekend-ը Գյումրիում: Քաղաքը կվերածվի կերպարվեստի, երաժշտության և գրականության կենտրոնի18 մայիսի 2017 - 17:48 AMT PanARMENIAN.Net - Մայիսի 19-21-ը Հայաստանում առաջին անգամ տեղի կունենա Art Weekend նախագիծը, որը կմեկնարկի արհեստի ու արվեստի մայրաքաղաք Գյումրիից՝ թարմացնելով մշակութային և երիտասարդական կյանքը։ Երեք օր շարունակ Գյումրին կվերածվի կերպարվեստի, երաժշտության և գրականության կենտրոնի: Art Weekend նախագիծն իրականացնում է LOFT ինքնազարգացման ու ժամանցի կենտրոնը։ Մայիսի 19-ին Art Weekend-ի բացումը կազդարարվի երաժշտության օրով։ Երեկոյի ընթացքում ելույթ կունենա էթնո, ջազ և ֆյուժն ժանրերում ստեղծագործող Լուսի Խանյանը, ով կներկայացնի յուրահատուկ ստեղծագործություններ։ Երաժշտական երեկոյի ընթացքում լինելու է նաև գինու հյուրասիրություն։ Art Weekend-ի երկրորդ օրը նվիրված է կերպարվեստին։ Հատուկ նախագծի համար Երևանից Գյումրի կմեկնեն ժամանակակից արվեստագետներ Նարեկ Բարսեղյանը, Սիրանուշ Աղաջանյանը և Գոռ Առուշանյանը, ում աշխատանքները ցուցադրված են լինելու Loft Gyumri-ում։ Վերջիններս նաև վարպետության դաս են անցկացնելու բոլոր ցանկացողների համար։ Ցուցադրությունից բացի, այդ օրը նախատեսվում է Handmade Bazaar, որի ընթացքում տեղի արվեստագետները հնարավորություն կունենան ցուցադրելու ու վաճառելու իրենց ձեռքի աշխատանքները։ Ցուցահանդես-վաճառքի նպատակն է խթանել մարզային մշակույթի զարգացմանը՝ բացահայտելով տաղանդավոր երիտասարդներին ու ստեղծելով նրանց համար հարմար պայմաններ՝ ինքնարտահայտվելու համար Նախագծի վերջին օրը՝ մայիսի 21-ը, նվիրված է գրականությանը։ Այդ օրը Երևանից Գյումրի կժամանի հանրահայտ գրաբուսը, որն ամբողջ օրվա ընթացքում Գյումրու քաղաքացիներին հնարավորություն է ընձեռելու ձեռք բերել նոր տպագրված գրականություն՝ ինչպես հայ, այնպես էլ արտասահմայան։ Իսկժամը 12։00-ին տեղի կունենա հոլանդացի հայտնի գրող Յան Պաուլ Սխուտենի և Disney ամսագրի, Donald Duck-ի ծաղրանկարիչ Կեյս դը Բուրի՝ «Աշխարհի ամենալավ, ամենահոյակապ, ամենահրաշալի պապիկները» գրքի շնորհանդեսը: Հանդիպմանը ներկա կլինի հենց ինքը՝ հեղինակը։ Կազմակերպիչների խոսքերով ՝ բոլոր միջոցառումների մուտքն ազատ է։ Նախագիծն իրականացվում է ՀՀ մշակույթի նախարարության աջակցությամբ։ Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | ԱԺ-ն ստացել է ՌԴ Դաշնային խորհրդի նամակը, որն առնչվում է Սիմոնյանի «հակառուսական հայտարարություններին» Նամակի բովանդակությունը հայտնի չէ Փաշինյան․ Լուծում ենք առաջիկա տասնամյակներում Հայաստանի լինելության հարցը «Եկել ենք մի տեղ, որտեղ մենք Հայաստանի ապագայի շատ կոնկրետ նախագիծ ենք դնում սեղանին»,–ասել է նա ՀՀ և Ադրբեջանի սահմանին արդեն սահմանային 28 սյուն կա՝ աշխատանքի մոտ 35%-ն է Երկու երկրների փորձագիտական խմբերի աշխատանքները շարունակվում են ԱԳՆ․ Ստացել ենք խաղաղության պայմանագրի նախագծի վերաբերյալ Ադրբեջանի առաջարկները Սա տեքստի 9-րդ խմբագրությունն է |