Հայ-թուրքական սահմանը կբացվի, սակայն պատմական տարաձայնությունները կմնան
Հայ-թուրքական սահմանի բացման հարցում ամենաշատը շահագրգռված են գործարարները, եւ ապա լրագրողներն ու ուսանողները: Այդ մասին Երեւանում «Հայաստանն ու Թուրքիան եվրաինտեգրման գործընթացի լույսի ներքո» գիտաժողովին հայտարարել է «Եվրոպական կայունության նախաձեռնություն» թուրքական կազմակերպության ներկայացուցիչ, փորձագետ Դիբա Նիգար Գոկսելը: Նրա խոսքերով, Թուրքիան պետք է ինքը որոշի` ով եւ ինչ է ուզում լինել նա տարածաշրջանում հետագա 10 տարիների ընթացքում: «Սակայն ես գտնում եմ, որ Հայաստանի եւ Թուրքիայի հարաբերությունները կբարելավվեն, իսկ սահմանը կբացվի: Միեւնույն ժամանակ, ես չեմ կարծում, որ երկու երկրների միջեւ առկա պատմական հարցերը կկարգավորվեն»,- նշել է նա:
