Ինչպես SMS-ի միջոցով տեղեկանալ տեսախցիկների ու արագաչափերի գրանցած խախտումների մասին 7 հունիսի 2017 - 17:50 AMT PanARMENIAN.Net - Ճանապարհային ոստիկանությունը մայիսի 24-ից նոր համակարգ է գործարկել, որի միջոցով վարորդները կարող են բջջայինին եկած SMS հաղորդագրությամբ տեղեկանալ տեսախցիկների ու արագաչափերի գրանցած խախտումների մասին: Քանի որ օրերս Ոստիկանության տարածած տեսանյութում՝ կապված ծառայության ակտիվացման հետ, որոշ անճշտություններ կային, PanARMENIAN.Net ը դիմեց համակարգը սպասարկող ընկերությանը՝ պարզելու, թե ինչպես է պետք ակտիվացնել ծառայությունը: Նախևառաջ պարզվեց, որ ՃՈ-ն հաղորդագրությունները կարող է ուղարկել միայն մեկ հեռախոսահամարի: Դրա համար անհրաժեշտ է գրանցել հեռախոսահամարը համակարգում հետևյալ կերպով. տրանսպորտային միջոցի հաշվառման (տեխզննման) վկայագրի համարը և մեքենայի համարանիշը SMS հաղորդագրությամբ ուղարկել 1041 կարճ համարին, ինչից հետո համակարգը կգրանցի հեռախոսահամարն ու խախտումների դեպքում կտեղեկացնի: Բայց SMS հաղորդագրությունը գրելու մի նրբություն կա՝ վկայագրի համարն ու մեքենայի պետհամարանիշը պետք է գրված լինեն ոչ թե իրար կպած, ինչպես նշվում է Ոստիկանության տարածած տեսահոլովակում, այլ բաժանված լինեն բացատով (пробел) կամ ստորակետով: Օրինակ՝ AA000000 11BB222 կամ AA000000, 11BB222 կամ էլ AA000000,11BB222: Ի դեպ, ծառայության արժեքն ակտիվացման դիմաց 50 դրամ է. հետագա բոլոր հաղորդագրությունների համար գումար չի գանձվելու:
Եթե այդ ամենը գրված լինի իրար կպած, համակարգը չի հասկանա հրահանգը ու կխնդրի կապվել սպասարկող ծառայության հետ՝ սխալը հասկանալու համար: Վարորդը հնարավորություն ունի հետագայում դադարեցնել գրանցած հեռախոսահամարին հաղորդագրությունների ստացումը՝ ուղարկելով նույն տվյալները 1041 կարճ համարին, պարզապես դիմացից գրելով STOP բառը (որից հետո, ի դեպ, ևս պետք է բացատ թողնել): Օրինակի համար՝ STOP AA000000 11BB222: Բացի այդ, հունիսի 5-ից գործարկվեց նաև Telegram բջջային հավելվածի միջոցով տեղեկությունների տրամադրման համակարգը: Դրանից օգտվելու համար պետք է ներբեռնված հավելվածում փնտրել և ընտրել ROADPOLICEbot-ը: Այնուհետև, անհրաժեշտ է «Գրանցել նոր մեքենա» և մուտքագրել տրանսպորտային միջոցի հաշվառման համարանիշը (12YY345 կամ 345YY12 ձևաչափով) և հաշվառման վկայագրի սերիա-համարը (օրինակ՝ LZ999999 ձևաչափով): Telegram-ի միջոցով տեղեկություններ ստանալն անվճար են, բայց այժմ համակարգը դեռ գործում է beta-տարբերակով: Ուշագրավ
«Ամեն բնակչի կողքին 15 ոստիկան է կանգնած, անձնագրով են ներս թողնում միայն Կիրանցի բնակիչներին»,–ասել է վարչական ղեկավարը Որոշ դեպքերում անձանց ազատությունից զրկելիս չեն ներկայացվում նրանց ազատությունից զրկելու հիմքերն ու պատճառները Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Ամենաընթերցվողը բաժնում | Զախարովա․ ՀՀ-ն շարունակում է ՀԱՊԿ լիարժեք անդամ մնալ իր համապատասխան պարտավորություններով Նա նաև ասել է, որ ՌԴ–ն կասկածի տակ չի դնում իր արտաքին քաղաքական կուրսն ընտրելու ՀՀ սուվերեն իրավունքը Կուպմանը Բաքվում ասել է, որ Եվրահանձնաժողովը ողջունում է ՀՀ-ի և Ադրբեջանի միջև վերջին պայմանավորվածությունները Նա ասել է, որ Եվրահանձնաժողովում դրական են գնահատում Հարավային Կովկասում վերջին իրադարձությունները ԱՄՆ–ն պատժամիջոցներ է սահմանել որոշ թուրքական և ադրբեջանական ընկերությունների դեմ՝ ՌԴ–ին աջակցելու համար Պատժամիջոցներն առնչվում են այն ընկերություններին և ֆիզիկական անձանց, որոնք օգնում են Մոսկվային ռազմական բաղադրիչներ ստանալ Էրդողան․ Թուրքիան որոշել է խզել առևտրային կապերն Իսրայելի հետ Առևտրաշրջանառությունը երկրների միջև հասնում է 9․5 մլրդ դոլարի |