Կիևում ԱՄՆ դեսպանատան մոտ պայթյուն է տեղի ունեցել: Այդ մասին ասվում է կիևյան ոստիկանության կայքում: Միջադեպի հետևանքով ոչ ոք չի տուժել: Իրավապահները պայթյունը որակել են որպես ահաբեկչություն:
Պայթյունը որոտացել է Երևանի ժամանակով 01:05-ին, տեղի ժամանակով 00:05-ին: Պատահարի վայր ժամանած ոստիկանության աշխատակիցները հայտնաբերել են, որ անհայտ անձը պայթուցիկ սարք է նետել ԱՄՆ դեսպանատան տարածք, հայտնում է tvrain.ru-ն:
Կիևի իրավապահ մարմինները քրեական գործ են հարուցել «ահաբեկչական գործողություն» հոդվածով:
Այժմ իրավապահները որոնում են այն մարդկանց, որոնք մեղսակից են ԱՄՆ դեսպանատան տարածք պայթուցիկի նետելուն: