Թուրքիայի ԱԳՆ. Անկախության հանրաքվեի մասին Իրաքյան Քրդստանի որոշումը սարսափելի սխալ է 9 հունիսի 2017 - 12:59 AMT PanARMENIAN.Net - Իրաքի քրդական ինքնանվարության իշխանությունների որոշումը անկախության վերաբերյալ հանրաքվե անցկացնելու մասին, սարսափելի սխալ է՝ հարկավոր է պահպանել երկրի տարածքային ամբողջականությունը: Այս մասին ասվում է Թուրքիայի ԱԳՆ հայտարարության մեջ: Ավելի վաղ հայտնի դարձավ, որ Իրաքյան Քրդստանի իշխանությունները մտադիր են անկախության մասին հանրաքվե անցկացնել սեպտեմբերի 25-ին: «Իրաքի քրդական ինքնավարության անկախացման մասին հանրաքվե անցկացնելու որոշումը համարում ենք սարսափելի սխալ: Իրաքի տարածքային ամբողջականության և քաղաքական միասնության պահպանումն այդ երկրի հանդեպ թուրքական քաղաքականության հիմնարար սկզբունքն է: Դա տարածաշրջանում կայունության, խաղաղության և անվտանգության պահպանման գլխավոր պայմանն է»,-ասվում է ԱԳՆ հայտարարության մեջ: Ըստ Թուրքիայի ԱԳՆ-ի, հանրաքվեի մասին որոշումը չի արտահայտում իրաքյան ժողովրդի կամքը: Ըստ հայտարարության, ահաբեկչական ԻՊ դեմ պայքարի պայմաններում հարկավոր է, որ երկիրը միասնական լինի, հայտնում է ՌԻԱ Նովոստին: Իրաքյան Քրդստանի ղեկավար Մասուդ Բարզանին մարտին ՄԱԿ գլխավոր քարտուղար Անտոնիո Գուտերեշի հետ հանդիպմանը հայտնել էր, որ հանրաքվեն ԻՔ անկախության մասին կանցկացվի մոտ ապագայում: Ինքնավարության նախագահ Մասուդ Բարզանին ավելի վաղ հայտարարել էր, որ Իրաքյան Քրդստանը վաղ թե ուշ հանրաքվե կանցկացնի անկախության մասին նույնիսկ առանց Բաղդադի հավանության: «Հանրաքվեն մեր ազգային իրավունքն է: Չեմ կարծում, որ Բաղդադը կարգելափակի ժողովրդի այդ իրավունքը, իսկ եթե անի, մեզ միևնույն է դա չի կանգնեցնի»,-ասել էր նա: Իրաքյան Քրդստանն, անտեսելով Արևմուտքի հորդորները, վերջին շրջանում բազմիցս է խոսել անկախության հանրաքվե անցկացնելու մտադրության մասին: Նման հնարավորության մասին Բարզանին հայտարարել էր դեռևս 2014-ի հուլիսի 1-ին: Մեկ տարի անց նա հայտարարեց, որ հանրաքվեն կանցկացվի ԻՊ դեմ մարտական գործողությունների հաջող ավարտից հետո: Ընթերցեք նաև. Իրաքյան Քրդստանի անկախության մասին հանրաքվեն կարող է անցկացվել աշնանը Ուշագրավ Այցն աշխատանքային է Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական Կավելացվեն ծախսերը նաև հատուկ նշանակության նախագծերի ֆինանսավորման համար
Շատերը զրկվել են տանիքից և գիշերում են փողոցում | Բագրատ սրբազանն ուղերձ է հղել. Այլընտրանք չկա` կամ այսօր, կամ երբեք Կիրանցեցիները փակել են Հայաստան–Վրաստան միջպետական ճանապարհը Միրզոյանը՝ Բուրիչին. ՀՀ–ն կառուցողական ներգրավված է տարածաշրջանային կապուղիների ապաշրջափակման քննարկումներում Միրզոյանը ստորագրել է Օվիեդոյի կոնվենցիան Իդրամ Ջունիորն ու Կորիզը գործակցության հուշագիր են կնքել Կազմակերպությունները մշակում են ֆինանսական կրթության նոր մրցույթ ԿԽՄԿ աշխատակիցներն այցելել են Բաքվում պահվող Արցախի ղեկավարներին Նրանք կապ են հաստատել ընտանիքների հետ |