Հայաստանի պաշտպանության նախարար Սերժ Սարգսյանը Մոսկվայում այսօր մեկնարկած իր այցի ընթացքում կքննարկի պաշտպանական բնույթի նոր ռուսական սպառազինությունների Հայաստան մատակարարելու հարցեր: Ինչպես հաղորդել է «ԻՏԱՐ-ՏԱՍՍ» գործակալությունը` վկայակոչելով Ռուսաստանի պաշտպանության նախարարության աղբյուրները, Սերժ Սարգսյանը Մոսկվայում կքննարկի նաեւ հայկական բանակի տրամադրության տակ գտնվող խորհրդային եւ ռուսական արտադրության զենքի եւ ռազմական տեխնիկայի վերանորոգմանը եւ արդիականացմանը վերաբերող հարցեր: Կողմերը կքքնարկեն նաեւ ԱՊՀ ՀՕՊ Միացյալ Համակարգի շրջանակներում հայ-ռուսական համագործակցությանը, ՌԴ ՊՆ ուսումնական հաստատություններում հայ զինծառայողների նախապատրաստման համատեղ միջոցառումների անցկացմանը վերաբերող հարցեր: