Հունիսի 13-ի վաղ առավոտյան Մյունխենի արվարձանում կրակոցներ են հնչել երկաթուղային Ունտերֆյորինգ կայարանում: Մի քանի մարդ է վիրավորվել:
Կին ոստիկանը ծանր վիրավորվել է: Մեկ մարդ է ձերբակալվել, հայտնում է Մյունխենի ոստիկանությունը Twitter-ում:
Ըստ ոստիկանության, իրավիճակը կայարանում վերահսկվում է, բնակչության համար վտանգ չկա: Գործողությանը մասնակցում են դաշնային ոստիկանության հատուկ ստորաբաժանումներ և ուղղաթիռներ: Պատահարի հանգամանքները դեռ հայտնի չեն, սակայն ոստիկանությունն արդեն բացառել է ահաբեկչության տարբերակը, գրում է Deutsche Welle-ն:
Dpa գործակալությունը նշում է, որ կրակոցները Ունտերֆյորինգ կայարանում հիշեցրել են 3 տարվա վաղեմության ողբերգական իրադարձությունների մասին: Այն ժամանակ նույնպես Մյունխենի արվարձանում կրակոցներից սպանվեց 1 և վիրավորվեց ևս 3 մարդ: Հանցագործը 27-ամյա տղամարդ էր, որ հոգեպես անհավասարակշիռ համարվեց և մինչ օրս այդպես էլ չի կանգնել դատարանի առջև: