Սերգեյ Լավրով. Կոսովոյի վերաբերյալ որոշումը նախադեպ կդառնա հետխորհրդային տարածքի չճանաչված հանրապետությունների համար

PanARMENIAN.Net - «Կոսովոյի կարգավիճակի վերաբերյալ որոշումը նախադեպ կդառնա հետխորհրդային տարածքի չճանաչված հանրապետությունների համար: Անկասկած, այն, թե ինչպես կկարգավորվի Կոսովոյի ճգնաժամը, նախադեպ կունենա»,-հայտարարել է ՌԴ արտգործնախարար Սերգեյ Լավրովը Բրյուսելում Ռուսաստան-ՆԱՏՕ Խորհրդի նիստից հետո: Նրա խոսքերով, բազում երկրներ են հետեւում, թե ինչպես է զարգանում Կոսովոյի հետ կապված իրավիճակը, այդ թվում նաեւ Բալկաններում: «Մենք սա չենք ասում այն պատճառով, որ մեր արեւմտյան գործընկերները ասում են թե նախադեպ չի լինի: Նախադեպ կլինի հենց այն պարզ պատճառով, որ դա տեղի կունենա: Նրանք, ովքեր կարծում են, թե կարող են կամայականորեն վերաբերվել միջազգային իրավունքին, ՄԱԿ-ի Կանոնադրությունը, Հելսինկիի եզրափակիչ արձանագրությանը, պետք է մեկ անգամ եսւ լավ մտածեն, շատ սայթաքուն ճանապարհի դուրս գալուց առաջ, որը կարող է հղի լինել անկանխատեսելի հետեւանքներով եւ չի նպաստի կայունության ավելացմանը Եվրոպայում», ընդգծել է Լավրովը:



ՌԴ ԱԳ նախարարը եւս մեկ անգամ կոչ է արել բոլորին, ով հրապարակավ խոսում է այն մասին, թե Կոսովոյի անկախությունն այլընտրանք չունի, չարգելափակել բանակցությունները, այլ կողմերին հնարավորություն տալ գտնել երկուսի համար ընդունելի դիրքորոշումներ, հաղորդում է ՌԻԱ «Նովոստին»: