ԵՄ-ն €3 մլն կհատկացնի ՀՀ-ին Սիրիայից փախստականների համար

ԵՄ-ն €3 մլն կհատկացնի ՀՀ-ին Սիրիայից փախստականների համար

PanARMENIAN.Net - ԵՄ-ն €3 մլն կհատկացնի Հայաստանին Սիրիայից փախստականներին օգնելու նպատակով: Այդ մասին հայտնում է Եվրահանձնաժողովի մամուլի ծառայությունը:

Եվրամիության տարածաշրջանային ներդրումային հիմնադրամը հունիսի 20-ին հաստատել է 275 մլն եվրո ընդհանուր գումարի նախագիծը մեղմելու համար սիրիական ճգնաժամի հետևանքները: Նախագծի շրջանակում նախատեսվում է սատարել փախստականներին և նրանց ընդունող երկրներին՝ Հայաստանին, Թուրքիային, Լիբանանին, Հորդանանին, Իրաքին, արևմտյան Բալկաններին:

Ընդհանուր գումարից 3 մլն եվրո կհատկացվի Հայաստանին՝ սատարելու համար Սիրիայից ներգաղթած փախստականներին՝ ընդլայնելով հասանելի բուժծառայությունների և հոգեբանասոցիալական ծառայություններին շրջանակը, բարելավելով բնակարանային պայմանները, ընդլայնելով տնտեսական նախագծերին մասնակցելու հնարավորությունները, ինչպես նաև նպաստելով դպրոցականների և ուսանողների ինտեգրմանը:

€126.5 մլն կհատկացվի Թուրքիային, €90 մլն՝ Լիբանանում, Թուրքիայում և Հորդանանում կրթական ծրագրերի համար, €25՝ Իրաքում, Հորդանանում, Լիբանանում և Թուրքիայում կանանց և աղջիկներին աջակցելու համար:

Ըստ ՀՀ սփյուռքի նախարարության, Սիրիայում քաղաքացիական պատերազմի սկսվելուց ի վեր Հայաստանն ընդունել է մոտ 22.000 սիրիացի փախստական:

Photo. UNHCR
 Ուշագրավ
Նա նաև ասել է, որ տարածաշրջանային անվտանգությունը պետք է ապահովեն տարածաշրջանի երկրները
Նա հավելել է, որ թուրքական կողմն ավարտել է Նախիջևանի և Կարսի միջև 224 կմ երկարությամբ երկաթուղային գծի կառուցումը
Փետրվարի 1-ին Միջազգային քրեական դատարանը իրավասություն է ստանալու հետաքննել Ալիևի գործողությունները
Նա նշել է, որ դիտարկում է հայկական բանակին «ոչ մահաբեր ձևաչափով» աջակցություն ցուցաբերելու հնարավորությունը, բայց կոնկրետ որոշումներ չկան
---