ՀՀ-ում հաշվառված է 6010 թմրամոլ26 հունիսի 2017 - 13:27 AMT PanARMENIAN.Net - Հայաստանի Հանրապետությունում 2017-ի հունվարի 1-ի դրությամբ հաշվառված թմրամոլների թիվը կազմում է 6010: Նրանցից 2.343-ը ափիոնային թմրամոլներ են, որոնցից 52-ը՝ կանայք, 3.665-ը` կանաբինոիդային թմրամոլները, որոնցից 43-ը՝ կանայք, 2-ը՝ կոկաինային թմրամոլներ: Առողջապահության նախարարության հրապարակած տվյալների համաձայն, հաշվառվածներից 63%-ը 28-49 տարեկան է, 18%-ը՝ 50-64 տարեկան, 16%-ը՝ 19-27 տարեկան, մնացածը` 65 և բարձր տարիքի և մինչև 18 տարեկան անձինք: Տարածվածությամբ առաջջին տեղում Երևանն է՝ 3.173 կամ 53%, երկրորրդ տեղում՝ Արմավիրի մարզը՝ 747 կամ 12%, երրորդում՝ Կոտայքի մարզը՝ 578 կամ 9%: 1987 թվականի դեկտեմբերի 7-ին ՄԱԿ-ի գլխավոր համաժողովն ընդունել է 42/112 հռչակագիրը, ըստ որի որոշվել է հունիսի 26-ը նշել որպես թմրամիջոցների չարաշահման և դրանց ապօրինի շրջանառության դեմ պայքարի միջազգային օր` հզորացնելու գործողությունները և համագործակցությունը թմրամոլությունից զերծ միջազգային հասարակություն ստեղծելու համար։ Այս տարի օրվա խորհուրդն է՝ «Առաջին հերթին լսել», կարգախոսը՝ «Լսելով երեխաներին և երիտասարդներին՝ դուք կօգնեք նրանց առողջ և բարեկեցիկ դաստիարակությանը», իսկ խորհրդանշանն է՝ «Ասա Ո'Չ թմրամիջոցներին»: Առողջապահության նախարարության հաղորդմամբ, 1993 թվականին Հայաստանի Հանրապետությունն անդամակցելով ՄԱԿ-ին` վավերացրել է թմրամիջոցների չարաշահման և դրանց ապօրինի շրջանառության դեմ պայքարի նպատակով ՄԱԿ-ի գլխավոր համաժողովի կողմից ընդունված կոնվենցիաները: Հայաստանի Հանրապետության նախագահի 2014 թվականի դեկտեմբերի 30-ի «Հայաստանի Հանրապետությունում թմրամոլության և թմրամիջոցների ապօրինի շրջանառության դեմ պայքարի ազգային ռազմավարությունը հաստատելու մասին» թիվ 226-Ն կարգադրությամբ մատնանշվել են թմրամիջոցների չարաշահման և դրանց ապօրինի շրջանառության դեմ պայքարի ռազմավարական ուղղությունները: Աշխարհում թմրամիջոցներ չարաշահողների թիվը կազմում է մոտ 1/4 միլիարդ․ մարդ, նրանցից 29.5 միլիոն մարդ տառապում է թմրամիջոցների գործածումից առաջացած հոգեկան և վարքային խանգարումներով։ Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ըստ ՄԱԿ–ում Թուրքիայի ներկայացուցչի՝ Հայաստանը ճիշտ ճանապարհով է շարժվում «Ադրբեջանական գյուղերի վերադարձը տարածաշրջանում խաղաղության վերականգնման առանցքային գործոն է»,–ասել է նա Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել Միրզոյանը՝ ՀԱՊԿ–ի մասին․ Չենք ուզում մաս կազմել չաշխատող մեխանիզմի «Մենք դեռ ՀԱՊԿ անդամ ենք, բայց պետք է աշխատենք, որ բոլոր մեխանիզմները գործեն»,–ասել է նա Ակբա բանկը պարտատոմսեր է տեղաբաշխում Պարտատոմսերի շրջանառության ժամկետը 30 ամիս է |