Տարազների և հնագույն նախշերով արծաթյա զարդերի ցուցահանդես-վաճառք՝ Ախալքալաքում 4 հուլիսի 2017 - 10:28 AMT PanARMENIAN.Net - Ախալքալաքի Գավառագիտական թանգարանում տեղի է ունեցել գորգերի, Հայաստանի տարբեր մարզերի հայկական ազգային տարազների և հնագույն նախշերով արծաթյա զարդերի ցուցահանդես-վաճառք: Ներկայացվել են Լիլիթ Մելիքյանի Հայաստանի տարբեր մարզերի հայկական հնագույն ազգային տարազների հավաքածուն, այլ աշխատանքներ «Տերյան» մշակութային կենտրոնից, ասեղնագործուհի Արփի Ավդալյանի աշխատանքները և Տաթև Հովակիմյանի պատրաստած արծաթյա զարդերը: Վարպետների և ձեռագործների խումբն Ախալցխայում մասնակցել է «Ռաբաթ» գորգերի միջազգային փառատոնին և Միտրոպոլիտ Նիկոլոզի հրավերով այցելել Ախալքալաք, հաղորդում է Jnews.ge-ն: Աղբյուրի հաղորդմամբ, Սամցխե-Ջավախքի և Ծալկայի Հայ Առաքելական եկեղեցու առաջնորդական փոխանորդ, վարդապետ Բաբկեն Սալբիյանը շնորհակալություն է հայտնել Միտրոպոլիտ Նիկոլոզին, որ նա հնարավորություն է տվել ախալքալաքցիներին տեսնել հին գորգերի այս հավաքածուն և հայկական ազգային տարազները: «Մենք միշտ ցանկացել ենք ունենալ հին հայկական գորգերի և Հայաստանի տարբեր մարզերի ազգային տարազների նման ցուցահանդես: Նման միջոցառումները միշտ տեղի են ունենում մեծ քաղաքներում, և մեր ժողովուրդը հեռու է մնում նման միջոցառումներից: Շնորհակալություն նաև Տաթև Մուրադյանին, ով համաձայնեց ցուցադրվել նաև Ախալքալաքում», – ասել է Բաբկեն Սալբիյանը: Տաթև Հովակիմյանը ներկայացրել է հայկական ճարտարապետության զարդանախշերով արծաթյա զարդեր, որոնք պատրաստել է իր ձեռքերով: «Բոլոր զարդանախշերը վերցված են հնագույն եկեղեցիներից: Ես աշխատում եմ Ուրարտական ոճով և փորձում եմ պահպանել արծաթագործության հին ավանդույթները», – նշել է Տաթև Հովակիմյանը: Արփի Ավդալյանն էլ ներկայացրել է ասեղնագործ աշխատանքները, որոնցից յուրաքանչյուրը եզակի է: «Ասեղնագործված հնագույն զարդանախշերը ես տեղադրում եմ արծաթյա շրջանակներում, դրանք կարելի է օգտագործել», – ասել է Արփի Ավդալյանը: Տաթև Մուրադյանը, որը ներկայացնում է «Հանգույց» ժողովրդական մշակույթի հիմնադրամը և «Մետաքսի ճանապարհ» հյուրանոցը, ասել է, որ «Տերյան» կենտրոնն ունի Ջավախքի և Ախալցխայի շատ տարազներ, և նրանք նորից կգան Ախալքալաք ցուցադրելու Ջավախքի տարազները: «Ես կխոսեմ «Տերյան» կենտրոնի տնօրենի հետ, և մենք անպայման կցուցադրենք այստեղ Ջավախքի տարազները: Մենք պարզապես չգիտեինք, թե գալու ենք Ախալքալաք: Արդեն գտել ենք կապեր, համագործակցություն և պլանավորում ենք մեր ապագա այցը », – ասել է Տաթև Մուրադյանը: Վարպետների և ձեռագործների խումբն արդեն երկրորդ տարին է մասնակցում են գորգերի միջազգային փառատոնին, իսկ Ախալքալաքում ցուցադրվում են առաջին անգամ: Հղումներ թեմայով. Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |