Փոխնախարար. ՀՀ-ն շուտով արդյունքի կհասնի աղբի տեսակավորման և վերամշակման գործում 7 հուլիսի 2017 - 17:38 AMT PanARMENIAN.Net - Մոտ ապագայում Հայաստանն արդյունքներ կգրանցի աղբի տեսակավորման և վերամշակման գործում: Այդ մասին լրագրողներին ասել է տարածքային կառավարման և զարգացման փոխնախարար, «Մաքուր Հայաստան» հանձնաժողովի ղեկավար Վաչե Տերտերյանը: «Հետաքրքրություն կա մասնավոր բիզնեսի կողմից, մասնավորապես, Կոտայքի մարզի աղբանոցների մասով»,-պարզաբանել է նա: Ըստ փոխնախարարի, աղբի վերամշակումը ենթադրում է աղբի որոշակի քանակի առկայություն, այսինքն առաջին հերթին հարկավոր է իրականացնել կենտրոնացված և կազմակերպված աղբահանություն, գրում է «Նովոստի-Արմենիան»: Նա նաև հայտնել է, որ այսօրվա դրությամբ Հայաստանում մոտ 400-500 գրանցված աղբավայր կա, իսկ հուլիսի 29-ին կայանալիք շաբաթօրյակի շրջանակում իշխանությունները մտադիր են աշխատել այդ ուղղությամբ: Բացի այդ, ըստ նրա, կանոնակարգված աշխատանք է տարվում՝ գույքագրվում են առավել խոշոր աղբավայրերը ու տարբեր միջոցառումներ են իրականացվում: «Պետք է որոշենք, որ գործող աղբավայրերից որ 100-200 աղբավայրը կարող է օգտագործվել, քանի դեռ չի իրականացվում մեծ ռազմավարական ծրագիր»,-ասել է Տերտերյանը՝ հավելելով, որ ապագայում երկրում կմնա 5-6 խոշոր աղբավայր, որոնք կհամապատասխանեն միջազգային չափանիշներին: Նա նշել է նաև, որ աղբավայրերի կառուցումը տասնամայկներ կարող է տևել, սակայն Հայաստանի բնակիչները երկիրը մաքուր կկարողանան տեսնել արդեն շատ շուտով, մասնավորապես, շաբաթօրյակից հետո, իսկ մինչև տարեվերջ զգալի փոփոխություններ կլինեն: Փոխնախարարը հավելել է նաև, որ «Մաքուր Հայաստան» ծրագրի շրջանակում մոտ 1000 սուբյեկտ պայմանագիր է կնքել և օրինական կգործի աղբահանության ոլորտում: Ուշագրավ Պահանջն առնչվում է նրա հետ փոխկապակցված 7 անձի Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Ադրբեջանում հայտարարել են, որ Ղազախի շրջանում ականի պայթյունից սահմանապահ է վիրավորվել Նշվում է, որ տարածքը, որտեղ տեղի է ունեցել դեպքը, հարում է այն հատվածին, որը «Հայաստանի հետ շփման գիծ էր» ՀՀ–Ադրբեջան սահմանին տեղադրվել է 35 սահմանային սյուն՝ նախատեսված աշխատանքների կեսից ավելին արվել է Նշվում է, որ երկու երկրների փորձագիտական խմբերի աշխատանքները շարունակվում են Կիրանցի բնակիչները կառավարության շենքում հանդիպում են Փաշինյանի հետ Կառավարության շենք է մտել նաև Տավուշի մարզպետ Եվրահանձնաժողովի գլխավոր տնօրենը կժամանի Հայաստան Այցը տարածաշրջանային է |