Բուդապեշտում ընթացող ջրացատկի աշխարհի առաջնությունում տղամարդիկ մրցել են 10 մետր սինքրոն աշտարակացատկում։
Վլադիմիր Հարությունյան - Լև Սարգսյան զույգը եզրափակչում զբաղեցրել է 9-րդ հորիզոնականը։
Հավաքականի գլխավոր մարզիչ Հրաչյա Չանդիրյանի խոսքով անկախ Հայաստանի պատմության մեջ առաջին անգամ է մեր երկիրն աշխարհի առաջնությունում սինքրոն ցատկի եզրափակիչ անցել։
Չեմպիոնի տիտղոսը նվաճել են չինացիները: Հայ ջրացատկորդները եզրափակիչ անցել էին 11-րդ տեղով։
2017-ի մայիսին ջրացատկի Հայաստանի հավաքականի անդամներ Վլադիմիր և Ազատ Հարությունյան եղբայրները 10 մետր սինքրոն աշտարակացատկ մրցաձևում դարձել են Մադրիդի «Գրան Պրի» խաղարկության արծաթե մեդալակիր:
Ապրիլին Ազատ և Վլադիմիր Հարությունյանները մասնակցել են Ուկրաինայի Գավաթի բաց առաջնությանը։ Նրանք սինքրոն ցատկում զբաղեցրել են 3-րդ հորիզոնականը։