Էթնիկ զտումը Սումգաիթում ղարաբաղյան հակամարտության սկիզբը դարձավ

PanARMENIAN.Net - Էթնիկ զտումը Սումգաիթում դարձավ ղարաբաղյան հակամարտության սկիզբը, որը վերաճեց ռազմական գործողությունների: Այդ մասին հայտարարել է Հայաստանի արտգործնախարար Վարդան Օսկանյանը` 2007 թվականին հանրապետության արտաքին քաղաքականության արդյունքներին նվիրված մամլո ասուլիսում: Նրա խոսքերով, անհրաժեշտ է պատշաճ կերպով նշել սումգաիթյան ջարդերի 20-ամյակը: «Սումգաիթից հետո Ադրբեջանի բոլոր հայաբնակ շրջաններում սկսվեցին էթնիկ զտումներ: Սումգաիթի իրադարձությունները ապացուցեցին, որ Լեռնային Ղարաբաղի ժողովրդի պայքարը անկախության համար անհրաժեշտություն է»,-ընդգծել է Օսկանյանը: ՀՀ ԱԳՆ ղեկավարն ընդգծել է, որ սումգաիթյան իրադարձությունների 20-ամյակը ընդգրկված է 2008 թվականի պարտադիր միջոցառումների ցանկում: «Մենք պետք է անպայման հիշեցնենք համաշխարհային հանրությանը 1988 թվականի փետրվարի մասին»,-ասել է Օսկանյանը:



Հիշեցնենք, որ 1988 թվականի փետրվարի 27-29-ին Ադրբեջանը, օգտվելով ԽՍՀՄ իշխանության անտարբերությունից, ադրբեջանական Սումգաիթ քաղաքում սկսվեցին հայերի զանգվածային ջարդերը: Պաշտոնական տվյալներով, ջարդերի ժամանակ զոհվեցին 32 հայեր, վիրավորվեցին հարյուրավոր մարդիկ: Փրկվածները փախան Հայաստան, որտեղ 1988 թվականի դեկտեմբերի 7-ին Սպիտակի երկրաշարժին զոհ գնացին: Ջարդերից առաջ Սումգաիթում ապրում էին շուրջ 20 հազար հայեր: