Հայաստանում աշխատում են տիեզերական սարքի ստեղծման վրա25 հուլիսի 2017 - 14:46 AMT PanARMENIAN.Net - ՌԴ Դաշնության խորհուրդը վավերացրել է ՌԴ և ՀՀ կառավարությունների միջև համաձայնագիրը խաղաղ պայմաններում տիեզերքի հետազոտման և օգտագործման ոլորտում համագործակցության մասին: Հայաստանի համար համաձայնագիրը մեծապես կարևորվում է, քանի որ երկիրն արդեն սկսել է աշխատել տիեզերական սարքի ստեղծման վրա: Հայկական արհեստական արբանյակը պետք է տեղադրվի երկրաստացիոնար կապի 71.4Е ուղեծրային դիրքում, հայտնում է Pnp.ru-ն: ՌԴ Միջազգային գործերի կոմիտեի փոխնախագահ Արսեն Կանոկովը հայտնել է, որ փաստաթուղթը ստորագրվել է Երևանում 2016-ի ապրիլի 7-ին: Պայմանագրում նշված են գործակցության ոլորտները, ներառյալ աստղաֆիզիկական հետազոտություններն ու մոլորակների ուսումնասիրությունը, սոցիալ-տնտեսական ոլորտներում տիեզերական գործունեության արդյունքների կիրառումը, արբանյակային նավիգացիոն համակարգերի և դրա հետ կապված տեխնոլոգիաների և գործարկման ծառայությունների տրամադրումը: Բացի այդ, որոշվել են գործակցության ձևերը: Օրինակ՝ համատեղ նախագծերի ծրագրում և իրագործում, գիտական և տեխնիկական տեղեկատվության, փորձարարական տվյալների տրամադրում, գիտնականների փոխանակում, տեխնիկական աջակցություն և այլն: Կողմերը փոխադարձաբար հրաժարվում են պատասխանատվության կանչելու և վնասի հատուցման վերաբերյալ պահանջներից, եթե վնասը գույքին միտումնավոր չի հասցվել: Համաձայնագիրը կնքվել է 10 տարով՝ հետագայում 5-ական տարով երկարացնելու հնարավորությամբ, եթե կողմերից ոչ մեկը չի իրազեկել մյուս կողմին համաձայնագրից դուրս գալու մասին, ինչը պետք է արվի սկզբնական կամ երկարացված ժամկետի սպառումից առնվազն 1 տարի առաջ: Հղումներ թեմայով. Ուշագրավ Այդ մասին նա գրել է ֆեյսբուքյան իր էջում Այդ մասին ասել է հարթակի հիմնադիր Պավել Դուրովը Արա Խաչատրյանը գլխավոր տնօրենի պաշտոնը ստանձնել էր 2020 թվականի ապրիլից Ըստ Քերոբյանի, առնվազն 20 մլրդ դրամ հարկ կհավաքվի Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Հացադուլի մեջ գտնվող ֆրանսահայ լրագրող Նիկոլյանի հարցը ՄԻՊ ուշադրության ներքո է Միևնույն ժամանակ, նրա փաստաբանը գրություն է հասցեագրել ԱԱԾ՝ պարզելու, թե ինչ հիմք է դրվել որոշման համար Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը |