Կոսովոյի անկախությունը կարող է հռչակվել փետրվարի 18-ին

30 հունվարի 2008 - 18:48 AMT

PanARMENIAN.Net - Եթե փետրվարի 3-ի նախագահական ընտրություններին հաղթանակ տանի Սերբիայի ռադիկալ կուսակցության ղեկավար Տոմիսլավ Տադիչը, Կոսովոն անկախություն կհռչակի մոտ օրերս: Իսկ եթե ընտրություններին հաղթանակ տանի գործող նախագահ Բորիս Տադիչը, Կոսովոյի ալբանացիները մտադիր են ձգձգել անկախության հռչակումը մինչեւ փետրվարի 18-ը, երբ կկայանա Եվրամիության արտգործնախարարների հանդիպումը, հաղորդում է Reuters-ը:

Չնայած, որ թե Բորիս Տադիչը, եւ թե Տոմիսլավ Նիկոլիչը Կոսովոյի անկախության հռչակմանը բացասական են վերաբերվում, նրանց մոտեցումները կտրուկ տարբերվում են այն հարցում, թե ինչպես պետք է վարվի Բերլգրադը Եվրոպայի եւ ԱՄՆ-ի կողմից Կոսովոյի անկախությունը ընդունելու դեպքում:

Եթե Բորիս Տադիչը ամեն դեպքում մտադիր չէ կասկածի տակ դնել Սերբիայի եվրոպական ընտրությունը եւ, դատելով ամենից, ձեռնպահ կմնա կտրուկ հայտարարություններից, ապա Տոմիսլավ Նիկոլիչը սպառնում է խզել հարաբերությունները ցանկացած երկրի հետ, ով կճանաչի Կոսովոն: Դա կնշանակի, որ Տոմիսլավ Նիկոլիչի հաղթանակին փետրվարի 3-ի ընտրություններին կհետեւի Բելգրադի հարաբերությունների խզումը Արեւմուտքի առաջադեմ բոլոր երկրների հետ եւ Սերբիայի մեկուսացումը:

Ավելին, Տոմիսլավ Նիկոլիչը իրեն ներկայացնում է որպես բացահայտ ռուսամետ քաղաքական գործչի եւ անգամ խոսում է հաղթանակի դեպքում Սերբիայում ռուսական ռազմակայանի տեղակայման հնարավորության մասին` որպես աշխարհաքաղաքական վահան:

Սակայն Մոսկվան, ինչպես եւ Եվրոպան, որոշել է շեշտը դնել ոչ թե Նիկոլիչի վրա, այլ եվրոպամետ Բորիս Տադիչի վրա, ում ղեկավարության ընթացքում եւ կքնվեց գլխավոր էներգետիկ համաձայնագիրը Բելգրադի հետ: