Հասարակական հարցումների տվյալներով, Հայաստանի մարզերի բնակիչների 75 տոկոսը մտադիր է մասնակցել ՀՀ նախագահական ընտրություններին31 հունվարի 2008 - 18:39 AMT PanARMENIAN.Net - Հայաստանի մարզերի բնակիչների 75 տոկոսը մտադիր է մասնակցել նախագահական ընտրություններին: Այդ մասին Երեւանում հայտարարել է «Սոցիոմետր» անկախ սոցիոլոգիական կենտրոնի տնօրեն Ահարոն Ադիբեկյանը: Նրա տվյալներով, Հայաստանի մարզերում հարցվողների 67 տոկոսը կողմ են քվեարկելու գործող վարչապետ Սերժ Սարգսյանի թեկնածությանը առաջիկա նախագահական ընտրություններին:Ընդ որում, «Օրինաց Երկիր» կուսացկության ղեկավար, խորհրդարանի նախկին խոսնակ Արթուր Բաղդասարյանի օգտին քվեարկելու է հարցվողների 9 տոկոսը, նախկին նախագահ Լեւոն Տեր-Պետրոսյանի օգտին` 6 տոկոսը, ՀՅԴ «Դաշնակցություն» կուսակցության օգտին` 3 տոկոսը, «Ազգային միաբանություն» կուսացկության ղեկավար Արտաշես Գեղամյանի օգտին` 2 տոկոսը, «Ազգային-դեմոկրատական միություն» կուսացկության ղեկավար Վազգեն Մանուկյանի օգտին` 1,5 տոկոսը, մնացած թեկնածուների օգտին` հարցվածների 0,7 տոկոսն է քվեարկելու: Միեւնույն ժամանակ, Հայաստանի մարզերում ընտրողների 40 տոկոսը ոչ մի դեպքում մտադիր չեն իրենց ձայները տալ նախագահի թեկնածու Լեւոն Տեր-Պետրոսյանի օգտին: Հունվարի 26-27 անցկացված հարցումներին մասնակցել է 2240 մարդ 60 բնակավայրերից Հայաստանի բոլոր մարզերից: Շուտով Կենտրոնը մտադիր է ներկայացնել Երեւանի բնակիչների շարքում անցկացված հարցումների տվյալները, ինչից հետո համահանրապետական հարցման արդյունքները: Իր հերթին, «Ժառանգություն» խմբակցության անդամ Լարիսա Ալավերդյանը հայտարարել է, որ հասարակությունը պետք է ջանքեր գործադրի նախագահական ընտրությունները երկու փուլով անցկացնելու համար:Նրա խոսքերով, իշխող կուսակցության թեկնածուի հաղթանակը առաջին փուլում շատ կասկածելի կլինի եւ չի համապատասխանի ընտրազանգվածի իրական տրամադրություններին: Լարիսա Ալավերդյանը հայտարարել է «նախընտրական քարոզարշավի ցածր եւ գավառական մակարդակի մասին»: Վերջին տարիներին Հայաստանում քաղաքական կուլտուրայի մակարդակը կտրուկ ընկել է, ասել է նա: Պատգամավորը նշել է, որ կոռեկտ քարոզարշավ են վարում նախագահի միայն երկու թեկնածուներ` Վազգեն Մանուկյանն ու Արման Մելիքյանը, իսկ Վահան Հովհաննիսյանն ու Արթուր Բաղդասարյանը` «մասամբ կոռեկտ», հաղորդում են Հայաստանի ԶԼՄ-ները: Նշենք, որ «Ժառանգություն» կուսակցությունը, որը գլխավորում է Րաֆֆի Հովհաննիսյանը, մինչեւ հիմա չի կողմնորոշվել այս կամ այն թեկնածուի աջակցության առնչությամբ: Ուշագրավ Նա հավելել է, որ սահմանազատումն ու սահամանգծումը պետք է իրականցվեն համապատասխան սկզբունքներով Նա հավելել է, որ որևէ երկիր չի կարող վիճարկել որևէ այլ երկրի մարտունակ բանակ ունենալու իրավունքը Նա նաև ասել է, որ Հայաստանի և Վրաստանի միջև սահմանազատման աշխատանքները վերսկսելու պայմանավորվածություն կա
Նրա գնահատմամբ՝ մտահոգիչ է նաև հատվածական սահմազատում և սահմանագծում իրականացնելը Ամենաընթերցվողը բաժնում | Առաջին դասարանցիների հայտագրումը կսկսվի հունիսի 10–ից Այն կիրականացվի 3 փուլով Հունգարիայի ԱԳ նախարար. Պատրաստվում ենք ՀՀ և ԵՄ-ի միջև վիզաների ազատականացման երկխոսությունը սկսել Հուլիսի 1-ից Հունգարիան է ստանձնում ԵՄ նախագահությունը ՀՀ նախագահն ԱՄՆ է մեկնում Նա աշխատանքային այցով կլինի Կալիֆորնիայում Բագրատ սրբազան. ՔՊ բարձրաստիճան անդամներ ներքին ուղերձներ են հղում, թե ինչպես կարող են միանալ մեզ «Ճիշտ ենք անում, եթե խառվում ենք քաղաքականությանը՝ դուք չեք կարողանում, դրա համար մենք ենք խառնվում»,–ասել է նա |