HBO-ն «Գահերի խաղի» փրիքվել-մուլտֆիլմն է թողարկել (վիդեո)

 16 սեպտեմբերի 2017 - 14:34 AMT

PanARMENIAN.Net - Սեպտեմբերի 25-ին HBO-ն կթողարկի «Գահերի խաղը» սերիալի 7-րդ եթերաշրջանի DVD և Blu-Ray տարբերակները: Այդ իրադարձությանն ընդառաջ նախագծի հեղինակները որոշել են 7 թագավորության մասին անիմացիոն ֆիլմի տեսահոլովակը ցուցադրել:

Ժապավենը կպատմի այն բուռն իրադարձությունների մասին, որոնք նախորդում են բուն սերիալի սյուժեին: Դրա շնորհիվ հայտնի կդառնա, թե ինչպես առաջացավ Վեսթերոսը և հիմնվեցին մեծ կլանները, գրում է The Hollywood Reporter-ը:

Նախագիծը հնչյունավորել են սերիալի դերասանները՝ Նիկոլայ Կոստեր- Վալդաուն, Ասբեկ Պիոլուն, Էյդան Գիլլենը և այլոք:

HBO հեռուստաալիքի «Գահերի խաղը» սերիալի վերջին 8-րդ եթերաշրջանը ընդամենը 6 սերիա կունենա: Այդպիսով վերջին եթերաշրջանն ամենակարճը կլինի՝ բոլոր նախորդ եթերաշրջանները 10 սերիայից էին բաղկացած, իսկ 7-րդը՝ 7 էպիզոդից:

«Գահերի խաղն» ամերիկացի գրող Ջորջ Մարտինի «Սառույցի և կրակի երգը» վիպաշարի հիման վրա նկարահանվող հեռուստասերիալ է: Նախագիծը ղեկավարում են Դեվին Բենիոֆն ու Դենիել Վայսը, նկարահանումներն ընթանում են Իսլանդիայում, Մալթայում, Մարոկոյում, Խորվաթիայում, Հյուսիսային Իռլանդիայում: Սերիալը ցուցադրվում է 2011-ից, 2016-ի դրությամբ նկարահանված է 6 եթերաշրջան: Նախագիծը բազմաթիվ հեռուստատեսային մրցանակների է արժանացել, միաժամանակ հաճախ քննադատվում է բաց կամ դաժան տեսարանների ցուցադրության համար:

Ընթերցեք նաև. «Գահերի խաղի» վերջնամասը մի քանի տարբերակով կնկարահանվի արտահոսքի դեմ պայքարելու համար