Ջեյմեի դերակատարն ուզում է նկարահանվել «Գահերի խաղի» մոտիվներով կատակերգությունում 4 հոկտեմբերի 2017 - 14:59 AMT PanARMENIAN.Net - Դանիացի դերասան Նիկոլայ Կոստեր-Վալդաուն, որը կատարել է Ջեյմե Լանիստերի դերը «Գահերի խաղը» սերիալում, խոստովանել է, որ կցանկանար, որ սագայի սփին-օֆներից մեկն իրավիճակային կատակերգություն լիներ և ինքն էլ գլխավոր դերը կատարեր: «Ուզում եմ տեսնել Բրիեննա Տարտի և Ջեյմեի կենցաղը: Ինչպես են միասին 7 երեխա մեծացնում»,-ասել է Կոստեր-Վալդաուն: Սերիալն, ըստ նրա, պետք է հիշեցնի «Բրեդիի ընտանիքը» կամ «Ամերիկյան ընտանիքը» սիտկոմը, գրում է Lenta.ru-ն Marie Claire-ի վրա հղումով: Դերասանն ընդգծել է, որ Բրիեննան ու Ջեյմեն հիանալի լրացնում են միմյանց և «ուղղակի պարտավոր են սիրավեպ ունենալ»: «Գահերի խաղի» 3-րդ եթերաշրջանում Ջեյմեն Բրիեննայի գերին է դառնում՝ Բրիեննան (Գվենդոլին Քրիստի) պետք է փոխանակի նրան Քեյթիլին Սթարքի դուստրերի հետ: Ընթացքում նրանք ընկերանում են: Ավելի վաղ Նիկոլայ Կոստեր-Վալդաուն իր ենթադրություններն էր ներկայացրել թագուհի Սերսեայի հղիության մասին: «Միանգամայն հնարավոր է, որ նա այդպիսով մանիպուլացիայի է ենթարկում մեզ: Երբ մենք նկարահանում էինք դրվագը, ես հավատում էի նրան: Ինձ թվում է, որ ամենակարևորն այն է, որ Ջեյմեն հավատում է նրան»,-պարզաբանել էր Կոստեր-Վալդաուն: «Գահերի խաղի» եզրափակիչ սերիայում Սերսեայի և Ջեյմեի միջև բախում է հասունանում, քանի որ թագուհին մտադիր է դավաճանել Դեյներիս Տարգարիենին և Ջոն Սնոուին: HBO հեռուստաալիքի «Գահերի խաղը» սերիալի վերջին 8-րդ եթերաշրջանը ընդամենը 6 սերիա կունենա: Այդպիսով վերջին եթերաշրջանն ամենակարճը կլինի՝ բոլոր նախորդ եթերաշրջանները 10 սերիայից էին բաղկացած, իսկ 7-րդը՝ 7 էպիզոդից: «Գահերի խաղն» ամերիկացի գրող Ջորջ Մարտինի «Սառույցի և կրակի երգը» վիպաշարի հիման վրա նկարահանվող հեռուստասերիալ է: Նախագիծը ղեկավարում են Դեվին Բենիոֆն ու Դենիել Վայսը, նկարահանումներն ընթանում են Իսլանդիայում, Մալթայում, Մարոկոյում, Խորվաթիայում, Հյուսիսային Իռլանդիայում: Սերիալը ցուցադրվում է 2011-ից, 2016-ի դրությամբ նկարահանված է 6 եթերաշրջան: Նախագիծը բազմաթիվ հեռուստատեսային մրցանակների է արժանացել, միաժամանակ հաճախ քննադատվում է բաց կամ դաժան տեսարանների ցուցադրության համար: Ուշագրավ Տիգրան Ավինյանն ու Գրեգորի Դուսեն այցելել են պատմական թաղամաս Snap-ը պլատինե երգի կարգավիճակ է ստացել նաև մի քանի այլ երկրներում Հայկական դուդուկի երաժշտությունը ՅՈՒՆԵՍԿՕ-ի ցանկում է ընդգրկվել դեռևս 2008 թ․ Ցուցադրությունը կազմակերպվում է այս երեք ֆիլմերի Պոմպիդու կենտրոնին հանձնման արարողության առիթով Ամենաընթերցվողը բաժնում | Շվեյցարացի պատգամավոր․ Սահմանային հարցերը պետք է լուծել, որ Բաքվի կողմից հարձակվելու պատրվակ չդառնան «Խավիարային դիվանագիտությունն» այժմ ճանաչված տերմին է, ցավոք, դա հաջողվում է»,–ասել է նա Փաշինյան․ Ժամանակն է Բաքվի հետ ձեռք բերված համաձայնությունները ներառել խաղաղության պայմանագրում և ստորագրել Նա անդրադարձել է նաև հայկական «Խաղաղության խաչմերուկ» նախագծին ՊՆ․ ԳՇ պետ Ասրյանը բացառապես ՀՀ քաղաքացի է, իսկ նրա կինը՝ ազգությամբ ռուս Նշվում է նաև, որ ԳՇ պետի որդին զինապարտ է և ներգրավված է ՀՀ ԶՈւ 2024 թվականի զորակոչային միջոցառումներին Երևանում բոլոր 63 բերման ենթարկվածներն ազատ են արձակվել Բերման էր ենթարկվել 63 ցուցարար |