Ռուսական ԶԼՄ. Ինչու գեղեցիկ աղջիկները չպետք է ՀՀ այցելեն՝ չեն առևանգի և սարերը չեն տանի... 9 հոկտեմբերի 2017 - 13:44 AMT PanARMENIAN.Net - Զբոսաշրջության մասին գրող «Տոնկոստի տուրիզմա» ռուսական պարբերականը հոդված է հրապարակել՝ 5 ծանրակշիռ պատճառ թվարկելով, թե ինչու «գեղեցիկ կանանց կտրականապես չի կարելի Հայաստան այցելել»: Ինչպես գրում է պարբերականը, նրանց չեն առևանգի և սարերը չեն տանի՝ վերաբերմունքը զբոսաշրջիկների հանդեպ Հայաստանում ավելի քան հարգալից է: Ըստ արևելյան ավանդույթների, ասվում է հոդվածում, հյուրին նեղացնողը անհաջողության կմատնվի: Սակայն, գեղեցիկ աղջիկներն, այնուամենայնիվ, ավելի լավ է հրաժարվեն Հայաստան այցելելուց, քանի որ. 1. Աստվածային կերակուրները վտանգավոր են կազմվածքի համար: Ասել, որ Հայաստանում համեղ ու շատ են կերակրում, նշանակում է ոչինչ չասել՝ միայն նախաճաշին մինչև 8 ուտեստ է առաջարկվում: Իսկ հետո ցուցակով՝ ախորժալի խաշ, հյութեղ խորոված, մրգային լավաշ, մուրաբայի 30 տեսակ: Մի խոսքով՝ կազմվածքի մասին հարկ կլինի ժամանակավորապես մոռանալ: 2. Աշխարհի ամենահամեղ նռան գինին հյութի պես է խմվում, ինչպես նաև կոնյակը: Դիմադրել դրան անհնար է: Նույնիսկ եթե երկաթե կամք ունեք: Նույնիսկ եթե դուք ալկոհոլ չեք խմում, միևնույն է՝ գոնե մի կում կփորձեք, իսկ փորձելով, չեք կարողանա կանգ առնել: 3. Չափազանց հագեցած ծրագիր կլինի: Տեղացիների խառնվածքն այնպիսին է, որ գիշերային Երևանով կամ լեռնային կիրճերով զբոսանքների առաջարկություններ կստանաք ամենուր՝ հյուրանոցի զբոսավարից, լեռնադահուկային բազայի աշխատակցից, պատահական անցորդներից: Եվ ամենևին էլ պարտադիր չէ, որ դա ինչ-որ հետին մտքով արվի: Հայերը պաշտում են իրենց երկիրն ու ցանկանում են, որ դուք էլ հմայվեք երկրի գեղեցկությամբ: 4. Կհոգնեք հաճոյախոսություններից: «Անհուն աչքեր, որտեղ կարելի է խեղդվել» արտահայտությունն ուղղակի մանկական դարձվածք կթվա այն ամենի համեմատ, ինչ կլսեք տեղացի տղամարդկանցից, որոնք գիտեն գնահատել կնոջ գեղեցկությունը: 5. Էժան քաղցրավենիքի հսկայական ընտրություն, որոնք էլ ոչ մի տեղ չես հանդիպի: Ավաղ, Արարատի հովանու ներքո հարկ կլինի հրաժեշտ տալ ոչ միայն բարետես կազմվածքին, այլ նաև քաղցրավենիքի վրա ծախսվող գումարներին: Եվ որպես եզրակացություն հոդվածի հեղինակը գրում է, որ այդ ամենն իր վրա է զգացել՝ հավելելով, որ ևս մեկ անգամ Հայաստան կայցելեր: Ուշագրավ Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը
«Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա Ամենաընթերցվողը բաժնում | Քաղաքացիները հաջակցություն Տավուշի փակել են Սպիտակ-Վանաձոր ճանապարհը Ակցիայի մասնակից տղամարդկանցից մեկը ոստիկաններին և հավաքված քաղաքացիներին բացատրում է, թե ինչի դեմ է իրենց բողոքը Նախագիծ․ ԱԱԾ-ում բարձրագույն կոչում ունեցողները համազգեստ չեն կրի ԱԱԾ տնօրենի պաշտոնը այլևս դադարել է զինվորական լինել, այն արդեն հանրային ծառայության պաշտոն է Հանրայինն արգենտինացիների հետ համատեղ սերիալ կնկարահանի Արգենտինայի հաղորդակցությունների պետական մարմնի հետ համագործակցության պայմանագիր է կնքվել ՔՊ–ական պատգամավոր․ «Շողակաթը» ի՞նչ հեռուստաընկերություն է, ո՞ւմ է պատկանում, ի՞նչ պիտի եթեր տա Հակոբյանը պատասխանել, որ կարծում են, որ ալիքի եկեղեցական բաղադրիչը պետք է նվազեցվի |