Վարչապետ. ՀՀ-ն պատրաստ է արտոնյալ ռեժիմները տրամադրել իրանցի գործընկերներին 9 հոկտեմբերի 2017 - 17:42 AMT PanARMENIAN.Net - ՀՀ վարչապետ Կարեն Կարապետյանը և Իրանի նախագահի առաջին տեղակալ Էսհաղ Ջահանգիրին «շատ լավ տրամադրությամբ են դուրս եկել բանակցություններից և շատ լավատես՝ դեպի հեռանկարներ»։ Այս մասին բանակցություններից հետո հայտարարել է վարչապետ Կարեն Կարապետյանը։ «Ունեցել ենք կառուցողական և առարկայական հանդիպումներ։ Հանդիպման ընթացքում վերահաստատել ենք մեր բարեկամական հարաբերությունների բարձր մակարդակը և խոսել բոլոր այդ թեմաներով», - ասել է վարչապետը, հայտնում է Aysor.am-ը։ Կարեն Կարապետյանն ընդգծել է՝ ամրագրել են, որ շահագրգռված են իրանական բիզնեսի, կապիտալի և իրանական ընկերությունների Հայաստան գալու հարցում։ «Այն արտոնյալ ռեժիմները, որ Հայաստանն ունի, պատրաստ ենք շատ բաց տրամադրել իրանական գործընկերներին», - նշել է Կարապետյանը։ Վարչապետն ասել է, թե կողմերը հաստատել են, որ պատրաստակամ են երկկողմ հարաբերությունների ծավալները մեծացնելու և վերացնելու այդ ճանապարհին առաջացող խոչընդոտները։ «Խոսել ենք տարածաշրջանում հնարավոր համագործակցության մասին։ Իրանի մեր գործընկերներին շնորհակալություն ենք հայտնել Լեռնային Ղարաբաղի հարցում իրենց դիրքորոշման համար», - եզրափակել է Կարեն Կարապետյանը։ ՀՀ վարչապետ Կարեն Կարապետյանն Իրանի նախագահի առաջին տեղակալ Էսհաղ Ջահանգիրիի հրավերով հոկտեմբերի 9-ին երկօրյա պաշտոնական այցով մեկնել է ԻԻՀ։ Ուշագրավ
Նրանք նաև կոչ են արել դադարեցնել Ադրբեջանին ցանկացած ռազմական օգնության Որպես օրինակ մատնանշում են 2023–ի սեպտեմբերի 19-ին Երևանում կազմակերպված բողոքի ակցիայի իրադարձությունները Հանդիպումը տեղի կունենա, եթե Հայաստանը ևս տա իր համաձայնությունը Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը Ամենաընթերցվողը բաժնում | Վրաստանի խորհրդարանի կոմիտեն 3–րդ ընթերցմամբ ընդունել է «ռուսական» օրինագիծը․ Ցույցերը շարունակվում են Ցուցարարները պարբերաբար վանկարկում էին «ստրուկներ» և պահանջում հետ կանչել օրինագիծը ԵԱՀԿ նախագահ․ Պատրաստ ենք աջակցել ՀՀ-ին՝ ԵԱՀԿ անվտանգային բոլոր երեք ուղղությամբ «Մենք համոզված ենք, որ կառուցողական երկխոսությունը հավասարների միջև անփոխարինելի է»,–ասել է նա Արսեն Թորոսյան․ Պետք է նաև մի 1700-ամյա առասպել էլ վերջնական և հիմնահատակ կոտրել «Միանգամից շատ ծանր բաժին է հասել մեր ժողովրդին»,–գրել է նա Բողոքի ակցիայի 151 մասնակից բերման է ենթարկվել Երևանում վաղ առավոտից անհնազանդության ակցիաներ են ընթնում, փողոցներ են փակվում |