  Գլենդելում Ցեղասպանության մասին պատմող ֆիլմի փակ ցուցադրություն է կայացել 30 հոկտեմբերի 2017 - 16:56 AMT PanARMENIAN.Net - Գլենդելի Americana at Brand մոլում կայացել է Հայոց ցեղասպանության մասին «Ժխտման ճարտարապետները» (Architects of Denial) ֆիլմի փակ ցուցադրությունը՝ չնայած մոլի ղեկավարության հետ ֆիլմի գովազդային վահանակները տեղադրելու շուրջ ունեցած հակասություններին: LA Times հաղորդմամբ, փաստագրական ֆիլմը փորձագիտական վերլուծության և ցեղասպանությունը վերապարածների հիշողությունների միջոցով ցույց է տալիս, թե ինչպես է Հայոց ցեղասպանության ժխտողականությունը նպաստել աշխարհում հետագա վայրագությունների իրագործմանը: Փակ ցուցադրությանը ներկա են եղել նաև Գլենդելի քաղաքային խոհրդի անդամ Լաուրա Ֆրիդմանը և սենատոր Էնթոնի Փորթանթինոն: «Նախագահ Դոնալդ Թրամփը և ԱՄՆ նախկին նախագահները հաջողության չեն հասել կոտորածը որպես ցեղասպանություն ճանաչելու գործում, որի տարիներին օսմանյան թուրքերը դաժանաբար1.5 մլն հայի կյանք են խլել»,-գրում է պարբերականը: Ֆիլմը նկարահանվել է Գլենդելում «Հայ դատի» հանձանախմբի (ANCA) նախաձեռնությամբ: Հանձնախմբի՝ գովազդային վահանակը տեղադրելու առաջարկը մոլի ղեկավարությունը մերժել էր «քաղաքականացված» լինելու պատճառով, սակայն ավելի ուշ վերանայել էր իր դիրքորոշումը: Ֆիլմի հեղինակները ամերիկացի դերասան Դին Քեյնն ու հեռուստահաղորդավաոր Մոնթել Ուիլյամն են: Պարբերականի փոխանցմամբ՝ Ուիլյամը մտահոգվել է, երբ ստացել է ֆիլմի նկարահանման առաջարկը, քանի որ այդ ժամանակ առաջին անգամ է լսել Հայոց ցեղասպանության մասին: Ըստ նրա՝ ֆիլմը պետք է իրազեկման միջոց դառնա: «Հայոց ցեղասպանության 100-ամյա ժխտողականությունը այն միակ պատճառն է, որի համար մարդիկ անտեսում են մյուս բոլոր ցեղասպանությունները, որոնք շարունակում են տեղի ունենալ հենց այս պահին: Մենք միայն շշուկներ ենք լսում, քանի որ աշխարհը նախընտրում է չբարձրաձայնել այս իրողությունների մասին»,-ասել է հեռուստահաղորդավարը: Հղումներ թեմայով.   Ուշագրավ Այս գերեզմանատանն են ամփոփված այնպիսի նշանավոր հայերի մարմինները, ինչպիսինք են Վիլյամ Սարոյանն ու Սողոմոն Թեհլերյանը «Կշարունակենք այն վնասի հատուցման ուղիների քննարկումը, որը հասցնում է այդ աննախադեպ ճնշումը»,–ասել է նա ՀՀ և Ադրբեջանի միջև խաղաղ բանակցություններին և կարգավորմանը վերաբերող հարցերը չեն քննարկվելու «Այն անպայման կցուցադրվի, սակայն պարզ չէ, թե երբ»,–ասել է Սեիդովը   Ամենաընթերցվողը բաժնում |  Սյուժե Վերջին լուրեր Հայաստանը Տաթևի և Տաթևի մեծ անապատ համալիրները Հաագայի կոնվենցիայով ուժեղացված պաշտպանության տակ առնելու հայտ կներկայացնի  Նախապատրաստական աշխատանքներ են ընթանում«Ազատություն»․ՀՀ–ն, ըստ նախնական համաձայնության, առաջին անգամ օգնություն կստանա ԵՄ Խաղաղության հիմնադրամից Գումարը, ըստ փաստաթղթի, պետք է տրամադրվի մեկ գումարտակի համար նախատեսված դաշտային մոդուլային ճամբար ստեղծելու համարՀՀ-ն փաստագրում է ԼՂ-ի հուշարձանների նկատմամբ վանդալիզմի դեպքերը և ներկայացնում միջազգային հարթակներում Լեռնային Ղարաբաղի հուշարձանների հետ կապված մշտադիտարկման խմբեր են գործումԽոսնակ․ Որևէ հայտարարություն, որը չի հնչել կամ հաստատվել վարչապետի կողմից՝ պաշտոնապես հերքվում է Նա նշել է, որ Փաշինյանին որոշ աղբյուրների կողմից վերագրվում են տարբեր հայտարարություններ |
