Պոլիէթիլենային ծածկերով սահմանազատված սրճարանների գործունեությունը կբացառվի31 հոկտեմբերի 2017 - 10:21 AMT PanARMENIAN.Net - Երևանում հսկողություն կսահմանվի ու կբացառվի պոլիէթիլենային ծածկերով սահմանազատված սրճարանների ու տաղավարների գործունեությունը: Այդ մասին հայտարարել է քաղաքապետ Տարոն Մարգարյանը Երևանի քաղաքապետարանում կայացած աշխատանքային խորհրդակցության ժամանակ՝ անդրադառնալով մայրաքաղաքում բացօթյա սեզոնային սրճարանների գործունեության կազմակերպմանը: Տարոն Մարգարյանը պատասխանատուներին հանձնարարականներ է տվել վարչական շրջանների համապատասխան կառույցներին: Միաժամանակ հանձնարարվել է նաև խստորեն հետևել, որ բացօթյա սրճարանների սեփականատերերը կամ վարձակալներն աշխատանքները կազմակերպեն բացառապես իրենց հատկացված տարածքներում: Աշխատանքային խորհրդակցության ժամանակ զեկուցվել է, որ վարչական շրջաններում շարունակվում են ձմռան նախապատրաստական աշխատանքները: Մասնավորապես, քաղաքապետարանի ենթակայության դպրոցներում, նախադպրոցական, մշակութային և առողջապահական հաստատություններում ավարտվել են ջեռուցման համակարգերի փորձարկումները, և ապահովված է դրանց անխափան շահագործումը: Աշխատակազմի բնապահպանության վարչության պետը զեկուցել է, որ նախապատրաստական աշխատանքներ են տարվում նոյեմբերի 11-ին կայանալիք համաքաղաքային ծառատունկն ու շաբաթօրյակը պատշաճ կազմակերպելու, ինչպես նաև այդ նպատակով բնակչության իրազեկման և ներգրավման ուղղությամբ: Կոմունալ տնտեսության վարչության պետն էլ զեկուցել է, որ շարունակվում են ներքին շաբաթօրյակները, ինչի հետ կապված էլ հանձնարարվել է սանմաքրման աշխատանքներն իրականացնել ոչ միայն վարչական շրջանների կենտրոնական հատվածներում, այլև երկրորդական փողոցներում, այգիներում և բակային տարածքներում։ Քաղաքապետ Տարոն Մարգարյանը բնապահպանության վարչությանը հանձնարարել է ընթացիկ աշխատանքներին զուգահեռ մայրաքաղաքում սկսել նաև աշնանային էտի գործընթացը՝ ցուցաբերելով մասնագիտական մոտեցում, և այդ աշխատանքների վերաբերյալ նախապես իրազեկել համաքաղաքացիներին: Ուշագրավ Վարդանյանն ասել է, որ գտնվում է մեկուսացման խցում Նրանք ձերբակալվել են խուլիգանական արարքների կատարման մեջ մասնակցության կասկածանքով Փաշազադեն հայտարարել էր, թե «հայկական եկեղեցին, ռևանշիզմ է քարոզում” Ամենաընթերցվողը բաժնում | Պեսկով. Կողմ ենք Բաքվի և Երևանի միջև շփումների շարունակմանը Նա նաև ասել է, որ Կրեմլը չի մեկնաբանում Հայաստանում տեղի ունեցող բողոքի ցույցերը Փաշինյան. Հայաստանի և Ադրբեջանի սահմանին տեղադրված սյուները ՀՀ տարածքային ամբողջականության անկյունաքարերն են Ըստ նրա, որոշումը կայացվել է ֆիքսելու համար Հայաստանի տարածքային ամբողջականությունը ԱՄՆ կոնգրես է ներկայացվել Ադրբեջանի պաշտոնյաների դեմ պատժամիջոցներ սահմանելու օրինագիծը Այն շրջանառության մեջ է դրել կոնգրեսական Դինա Տիտուսը Աբրահամյան. Մի իշխանություն, որը 2018-ին փառաբանում էր խաղաղապահ բրիգադի փողոց դուրս գալը, այսօր խոսում է դրա անթույլատրելիության մասին Նա նշել է, որ կադրերում երևացող զինծառայողներն ակնհայտորեն այդ պահին ծառայության մեջ չէին, մարդկանց ջերմ ողջունեցին և գնացին |