Ալեքսանդր Լեբեդեւ. Նախագահական ընտրությունները Հայաստանում ընթանում են ըստ Հայաստանի ընտրական օրենսդրության

PanARMENIAN.Net - Հայաստանի նախագահ Ռոբերտ Քոչարյանն այսօր ընդունել է ԱՊՀ Գլխավոր քարտուղար Ալեքսանդր Լեբեդեւին: Նա ղեկավարում է նախագահական ընտրություններին ԱՊՀ դիտորդական առաքելությունը: Ալեքսանդր Լեբեդեւը նշել է, որ իրենք դիտարկում իրականացնում են ողջ Հանրապետությունում, դիտորդները եղել են տարբեր ընտրատեղամասերում, զրուցել հանձնաժողովի անդամների եւ թեկնածուների վստահված անձանց հետ: Նրա գնահատմամբ, նախագահական ընտրություններն ընթանում են գործող ընտրական օրենսդրության նորմերին համապատասխան: Նախագահն ասել է, որ իշխանությունները տրամադրված են անցկացնել նորմալ ընտրություններ եւ ձեռնարկել են դրա համար անհրաժեշտ բոլոր միջոցառումները: Երկուստեք համոզմունք է հայտվել, որ ընտրությունները հաջող ընթացք կունենան, կանցնեն հանգիստ, առանց միջադեպերի:



Զրուցակիցներն անդրադարձել են նաեւ փետրվարի 22-ին Մոսկվայում կայանալիք ԱՊՀ անդամ երկրների ղեկավարների ոչ պաշտոնական գագաթնաժողովին:
 Ուշագրավ
Գերատեսչությունը հայտնել է նաև գերիների թիվը՝ 511 զինծառայող 7 1 քաղաքացիական
Կավելացվեն ծախսերը նաև հատուկ նշանակության նախագծերի ֆինանսավորման համար
---